5 Ngowa-ngowa’a ga’a 'aḏi 'ahu mete’e manusia ma tabeata baraḏosa, 'aḏi mafikiri pa’i manga tabeata nyafusu gena-ge ḇato. Mada’a ngowa-ngowa’a ga’a 'aḏi 'ahu mete’e Ma Ngagara 'Ofi-'Ofi ma mau, 'aḏi mafikiri pa’i Enanga ma mau ḇato. 6 Na’o ninga fikirana 'i mete’e manusia ma tabeata baraḏosa, ma ḏo-ḏogumu tala 'i sigasa ngini toma sengene kasingado-ngadolo i’a. Mada’a na’o ninga fikirana 'i mete’e Ma Ngagara 'Ofi-'Ofi ma mau, ma ḏo-ḏogumu tala sigasa ngini toma 'ahu mode-mode’e re ngini ninga 'ahu rema dame ra Ma Jou’ongu Madutu. 7 Ngowa’a ga’a manga 'ahu mete’e manusia ma tabeata baraḏosa, ngowa’a gena-ge 'o lawana Ma Jou’ongu Madutu, sababu ngowa’a gena-ge 'aḏi ta’aloko ua ra Ma Jou’ongu Madutu 'ai hukumu. Ma nyonyata, ananga gena-ge nga’unu ua ya ta’aloko!

8 Ngowa’a ga’a manga 'ahu mete’e manusia ma tabeata baraḏosa, ananga gena-ge sisanangi yoḏu’u Ma Jou’ongu Madutu 'ai 'akala re sinyingara.