Lucas 19:28-40 | Versão SAK

Jisua Inlal taka Jerusalema a lût

28 Ma chong hah a misîr zoiin chu Jerusalem panin moton ânsa. 29 Bethphage le Bethany khuo kôl Olive muol a tungin chu, an motona a ruoisi inik a tîra, 30 "nin motona khuoa son vase ungla, nin lûtin, tute la chuongna ngâi loi sakuording te inthung mûng nin tih, sût ungla hin hongkai roi. 31 Tukhomin ithomo nin sût tiin an rekelin chu, Pumapa’n a nâng ani tipe roi," a tia. 32 Hanchu, an sea Pumapa’n a ti lam ang takin an va mua, 33 Sakuordingte an sûtin chu a pumangeiin, "Ithomo nin sût?" an tia. 34 Hanchu an kôma, "Pumapa’n19:34 a pu; nônchu a pumapa. ai nâng ani," an tia. 35 Sakuording te hah Jisua kôma an kaia, a chunga an puonngei an dâpa, Jisua an min chuonga. 36 A sena rang lampuia khom an puonngei an dâp tira.

37 Hanchu, Jerusalem tung ranga Olive muol chum rangin chu a ruoisingeiin a sininkhêl sin an mu sikin rôl inring takin Pathien an minpâka. 38 19:38: Lap 118:26"Pumapa riminga hong rêngpa chu Pathien’n satvur rese, invâna inngêina lêngin Pathien roiinpui rese," an tia. 39 Mipui lâia Pharisee senkhatin Jisua kôma, "Minchupu, nu ruoisingei dâirek rangin ril roh," an tia. 40 Jisua’n an kôma, "Nangni ki ril, hi ngei hih an dâirekin chu, lungngei tena luo an iniek rang ani," tiin a thuona.

Lucas 19

Jisua Inlal taka Jerusalema a lût

Veja também

Oração para pedir a Deus que aumente a fé quando o coração está cheio de dúvida

O que é o Espírito Santo e qual é o seu papel na vida cristã?