1 ಯುಷ್ಮಾಕಂ ಲಾಯದಿಕೇಯಾಸ್ಥಭ್ರಾತೃಣಾಞ್ಚ ಕೃತೇ ಯಾವನ್ತೋ ಭ್ರಾತರಶ್ಚ ಮಮ ಶಾರೀರಿಕಮುಖಂ ನ ದೃಷ್ಟವನ್ತಸ್ತೇಷಾಂ ಕೃತೇ ಮಮ ಕಿಯಾನ್ ಯತ್ನೋ ಭವತಿ ತದ್ ಯುಷ್ಮಾನ್ ಜ್ಞಾಪಯಿತುಮ್ ಇಚ್ಛಾಮಿ|
2 ಫಲತಃ ಪೂರ್ಣಬುದ್ಧಿರೂಪಧನಭೋಗಾಯ ಪ್ರೇಮ್ನಾ ಸಂಯುಕ್ತಾನಾಂ ತೇಷಾಂ ಮನಾಂಸಿ ಯತ್ ಪಿತುರೀಶ್ವರಸ್ಯ ಖ್ರೀಷ್ಟಸ್ಯ ಚ ನಿಗೂಢವಾಕ್ಯಸ್ಯ ಜ್ಞಾನಾರ್ಥಂ ಸಾನ್ತ್ವನಾಂ ಪ್ರಾಪ್ನುಯುರಿತ್ಯರ್ಥಮಹಂ ಯತೇ|
3 ಯತೋ ವಿದ್ಯಾಜ್ಞಾನಯೋಃ ಸರ್ವ್ವೇ ನಿಧಯಃ ಖ್ರೀಷ್ಟೇ ಗುಪ್ತಾಃ ಸನ್ತಿ|
4 ಕೋಽಪಿ ಯುಷ್ಮಾನ್ ವಿನಯವಾಕ್ಯೇನ ಯನ್ನ ವಞ್ಚಯೇತ್ ತದರ್ಥಮ್ ಏತಾನಿ ಮಯಾ ಕಥ್ಯನ್ತೇ|
5 ಯುಷ್ಮತ್ಸನ್ನಿಧೌ ಮಮ ಶರೀರೇಽವರ್ತ್ತಮಾನೇಽಪಿ ಮಮಾತ್ಮಾ ವರ್ತ್ತತೇ ತೇನ ಯುಷ್ಮಾಕಂ ಸುರೀತಿಂ ಖ್ರೀಷ್ಟವಿಶ್ವಾಸೇ ಸ್ಥಿರತ್ವಞ್ಚ ದೃಷ್ಟ್ವಾಹಮ್ ಆನನ್ದಾಮಿ|
6 ಅತೋ ಯೂಯಂ ಪ್ರಭುಂ ಯೀಶುಖ್ರೀಷ್ಟಂ ಯಾದೃಗ್ ಗೃಹೀತವನ್ತಸ್ತಾದೃಕ್ ತಮ್ ಅನುಚರತ|
7 ತಸ್ಮಿನ್ ಬದ್ಧಮೂಲಾಃ ಸ್ಥಾಪಿತಾಶ್ಚ ಭವತ ಯಾ ಚ ಶಿಕ್ಷಾ ಯುಷ್ಮಾಭಿ ರ್ಲಬ್ಧಾ ತದನುಸಾರಾದ್ ವಿಶ್ವಾಸೇ ಸುಸ್ಥಿರಾಃ ಸನ್ತಸ್ತೇನೈವ ನಿತ್ಯಂ ಧನ್ಯವಾದಂ ಕುರುತ|
8 ಸಾವಧಾನಾ ಭವತ ಮಾನುಷಿಕಶಿಕ್ಷಾತ ಇಹಲೋಕಸ್ಯ ವರ್ಣಮಾಲಾತಶ್ಚೋತ್ಪನ್ನಾ ಖ್ರೀಷ್ಟಸ್ಯ ವಿಪಕ್ಷಾ ಯಾ ದರ್ಶನವಿದ್ಯಾ ಮಿಥ್ಯಾಪ್ರತಾರಣಾ ಚ ತಯಾ ಕೋಽಪಿ ಯುಷ್ಮಾಕಂ ಕ್ಷತಿಂ ನ ಜನಯತು|
9 ಯತ ಈಶ್ವರಸ್ಯ ಕೃತ್ಸ್ನಾ ಪೂರ್ಣತಾ ಮೂರ್ತ್ತಿಮತೀ ಖ್ರೀಷ್ಟೇ ವಸತಿ|
10 ಯೂಯಞ್ಚ ತೇನ ಪೂರ್ಣಾ ಭವಥ ಯತಃ ಸ ಸರ್ವ್ವೇಷಾಂ ರಾಜತ್ವಕರ್ತ್ತೃತ್ವಪದಾನಾಂ ಮೂರ್ದ್ಧಾಸ್ತಿ,
11 ತೇನ ಚ ಯೂಯಮ್ ಅಹಸ್ತಕೃತತ್ವಕ್ಛೇದೇನಾರ್ಥತೋ ಯೇನ ಶಾರೀರಪಾಪಾನಾಂ ವಿಗ್ರಸತ್ಯಜ್ಯತೇ ತೇನ ಖ್ರೀಷ್ಟಸ್ಯ ತ್ವಕ್ಛೇದೇನ ಛಿನ್ನತ್ವಚೋ ಜಾತಾ
12 ಮಜ್ಜನೇ ಚ ತೇನ ಸಾರ್ದ್ಧಂ ಶ್ಮಶಾನಂ ಪ್ರಾಪ್ತಾಃ ಪುನ ರ್ಮೃತಾನಾಂ ಮಧ್ಯಾತ್ ತಸ್ಯೋತ್ಥಾಪಯಿತುರೀಶ್ವರಸ್ಯ ಶಕ್ತೇಃ ಫಲಂ ಯೋ ವಿಶ್ವಾಸಸ್ತದ್ವಾರಾ ತಸ್ಮಿನ್ನೇವ ಮಜ್ಜನೇ ತೇನ ಸಾರ್ದ್ಧಮ್ ಉತ್ಥಾಪಿತಾ ಅಭವತ|
13 ಸ ಚ ಯುಷ್ಮಾನ್ ಅಪರಾಧೈಃ ಶಾರೀರಿಕಾತ್ವಕ್ಛೇದೇನ ಚ ಮೃತಾನ್ ದೃಷ್ಟ್ವಾ ತೇನ ಸಾರ್ದ್ಧಂ ಜೀವಿತವಾನ್ ಯುಷ್ಮಾಕಂ ಸರ್ವ್ವಾನ್ ಅಪರಾಧಾನ್ ಕ್ಷಮಿತವಾನ್,
14 ಯಚ್ಚ ದಣ್ಡಾಜ್ಞಾರೂಪಂ ಋಣಪತ್ರಮ್ ಅಸ್ಮಾಕಂ ವಿರುದ್ಧಮ್ ಆಸೀತ್ ತತ್ ಪ್ರಮಾರ್ಜ್ಜಿತವಾನ್ ಶಲಾಕಾಭಿಃ ಕ್ರುಶೇ ಬದ್ಧ್ವಾ ದೂರೀಕೃತವಾಂಶ್ಚ|
15 ಕಿಞ್ಚ ತೇನ ರಾಜತ್ವಕರ್ತ್ತೃತ್ವಪದಾನಿ ನಿಸ್ತೇಜಾಂಸಿ ಕೃತ್ವಾ ಪರಾಜಿತಾನ್ ರಿಪೂನಿವ ಪ್ರಗಲ್ಭತಯಾ ಸರ್ವ್ವೇಷಾಂ ದೃಷ್ಟಿಗೋಚರೇ ಹ್ರೇಪಿತವಾನ್|
16 ಅತೋ ಹೇತೋಃ ಖಾದ್ಯಾಖಾದ್ಯೇ ಪೇಯಾಪೇಯೇ ಉತ್ಸವಃ ಪ್ರತಿಪದ್ ವಿಶ್ರಾಮವಾರಶ್ಚೈತೇಷು ಸರ್ವ್ವೇಷು ಯುಷ್ಮಾಕಂ ನ್ಯಾಯಾಧಿಪತಿರೂಪಂ ಕಮಪಿ ಮಾ ಗೃಹ್ಲೀತ|
17 ಯತ ಏತಾನಿ ಛಾಯಾಸ್ವರೂಪಾಣಿ ಕಿನ್ತು ಸತ್ಯಾ ಮೂರ್ತ್ತಿಃ ಖ್ರೀಷ್ಟಃ|
18 ಅಪರಞ್ಚ ನಮ್ರತಾ ಸ್ವರ್ಗದೂತಾನಾಂ ಸೇವಾ ಚೈತಾದೃಶಮ್ ಇಷ್ಟಕರ್ಮ್ಮಾಚರನ್ ಯಃ ಕಶ್ಚಿತ್ ಪರೋಕ್ಷವಿಷಯಾನ್ ಪ್ರವಿಶತಿ ಸ್ವಕೀಯಶಾರೀರಿಕಭಾವೇನ ಚ ಮುಧಾ ಗರ್ವ್ವಿತಃ ಸನ್
19 ಸನ್ಧಿಭಿಃ ಶಿರಾಭಿಶ್ಚೋಪಕೃತಂ ಸಂಯುಕ್ತಞ್ಚ ಕೃತ್ಸ್ನಂ ಶರೀರಂ ಯಸ್ಮಾತ್ ಮೂರ್ದ್ಧತ ಈಶ್ವರೀಯವೃದ್ಧಿಂ ಪ್ರಾಪ್ನೋತಿ ತಂ ಮೂರ್ದ್ಧಾನಂ ನ ಧಾರಯತಿ ತೇನ ಮಾನವೇನ ಯುಷ್ಮತ್ತಃ ಫಲಾಪಹರಣಂ ನಾನುಜಾನೀತ|
20 ಯದಿ ಯೂಯಂ ಖ್ರೀಷ್ಟೇನ ಸಾರ್ದ್ಧಂ ಸಂಸಾರಸ್ಯ ವರ್ಣಮಾಲಾಯೈ ಮೃತಾ ಅಭವತ ತರ್ಹಿ ಯೈै ರ್ದ್ರವ್ಯೈ ರ್ಭೋಗೇನ ಕ್ಷಯಂ ಗನ್ತವ್ಯಂ
21 ತಾನಿ ಮಾ ಸ್ಪೃಶ ಮಾ ಭುಂಕ್ಷ್ವ ಮಾ ಗೃಹಾಣೇತಿ ಮಾನವೈರಾದಿಷ್ಟಾನ್ ಶಿಕ್ಷಿತಾಂಶ್ಚ ವಿಧೀನ್
22 ಆಚರನ್ತೋ ಯೂಯಂ ಕುತಃ ಸಂಸಾರೇ ಜೀವನ್ತ ಇವ ಭವಥ?
23 ತೇ ವಿಧಯಃ ಸ್ವೇಚ್ಛಾಭಕ್ತ್ಯಾ ನಮ್ರತಯಾ ಶರೀರಕ್ಲೇಶನೇನ ಚ ಜ್ಞಾನವಿಧಿವತ್ ಪ್ರಕಾಶನ್ತೇ ತಥಾಪಿ ತೇಽಗಣ್ಯಾಃ ಶಾರೀರಿಕಭಾವವರ್ದ್ಧಕಾಶ್ಚ ಸನ್ತಿ|