1 ඊශ්වරස්‍ය ගෝචරේ යශ්ච යීශුඃ ඛ්‍රීෂ්ටඃ ස්වීයාගමනකාලේ ස්වරාජත්වේන ජීවතාං මෘතානාඤ්ච ලෝකානාං විචාරං කරිෂ්‍යති තස්‍ය ගෝචරේ (අ)හං ත්වාම් ඉදං දෘඪම් ආඥාපයාමි|

2 ත්වං වාක්‍යං ඝෝෂය කාලේ(අ)කාලේ චෝත්සුකෝ භව පූර්ණයා සහිෂ්ණුතයා ශික්‍ෂයා ච ලෝකාන් ප්‍රබෝධය භර්ත්සය විනයස්ව ච|

3 යත ඒතාදෘශඃ සමය ආයාති යස්මින් ලෝකා යථාර්ථම් උපදේශම් අසහ්‍යමානාඃ කර්ණකණ්ඩූයනවිශිෂ්ටා භූත්වා නිජාභිලාෂාත් ශික්‍ෂකාන් සංග්‍රහීෂ්‍යන්ති

4 සත්‍යමතාච්ච ශ්‍රෝත්‍රාණි නිවර්ත්ත්‍ය විපථගාමිනෝ භූත්වෝපාඛ්‍යානේෂු ප්‍රවර්ත්තිෂ්‍යන්තේ;

5 කින්තු ත්වං සර්ව්වවිෂයේ ප්‍රබුද්ධෝ භව දුඃඛභෝගං ස්වීකුරු සුසංවාදප්‍රචාරකස්‍ය කර්ම්ම සාධය නිජපරිචර‍්‍ය්‍යාං පූර්ණත්වේන කුරු ච|

6 මම ප්‍රාණානාම් උත්සර්ගෝ භවති මම ප්‍රස්ථානකාලශ්චෝපාතිෂ්ඨත්|

7 අහම් උත්තමයුද්ධං කෘතවාන් ගන්තව්‍යමාර්ගස්‍යාන්තං යාවද් ධාවිතවාන් විශ්වාසඤ්ච රක්‍ෂිතවාන්|

8 ශේෂං පුණ්‍යමුකුටං මදර්ථං රක්‍ෂිතං විද්‍යතේ තච්ච තස්මින් මහාදිනේ යථාර්ථවිචාරකේණ ප්‍රභුනා මහ්‍යං දායිෂ්‍යතේ කේවලං මහ්‍යම් ඉති නහි කින්තු යාවන්තෝ ලෝකාස්තස්‍යාගමනම් ආකාඞ්ක්‍ෂන්තේ තේභ්‍යඃ සර්ව්වේභ්‍යෝ (අ)පි දායිෂ්‍යතේ|

9 ත්වං ත්වරයා මත්සමීපම් ආගන්තුං යතස්ව,

10 යතෝ දීමා ඓහිකසංසාරම් ඊහමානෝ මාං පරිත්‍යජ්‍ය ථිෂලනීකීං ගතවාන් තථා ක්‍රීෂ්කි ර්ගාලාතියාං ගතවාන් තීතශ්ච දාල්මාතියාං ගතවාන්|

11 කේවලෝ ලූකෝ මයා සාර්ද්ධං විද්‍යතේ| ත්වං මාර්කං සඞ්ගිනං කෘත්වාගච්ඡ යතඃ ස පරිචර‍්‍ය්‍යයා මමෝපකාරී භවිෂ්‍යති,

12 තුඛිකඤ්චාහම් ඉඵිෂනගරං ප්‍රේෂිතවාන්|

13 යද් ආච්ඡාදනවස්ත්‍රං ත්‍රෝයානගරේ කාර්පස්‍ය සන්නිධෞ මයා නික්‍ෂිප්තං ත්වමාගමනසමයේ තත් පුස්තකානි ච විශේෂතශ්චර්ම්මග්‍රන්ථාන් ආනය|

14 කාංස්‍යකාරඃ සිකන්දරෝ මම බහ්වනිෂ්ටං කෘතවාන් ප්‍රභුස්තස්‍ය කර්ම්මණාං සමුචිතඵලං දදාතු|

15 ත්වමපි තස්මාත් සාවධානාස්තිෂ්ඨ යතඃ සෝ(අ)ස්මාකං වාක්‍යානාම් අතීව විපක්‍ෂෝ ජාතඃ|

16 මම ප්‍රථමප්‍රත්‍යුත්තරසමයේ කෝ(අ)පි මම සහායෝ නාභවත් සර්ව්වේ මාං පර‍්‍ය්‍යත්‍යජන් තාන් ප්‍රති තස්‍ය දෝෂස්‍ය ගණනා න භූයාත්;

17 කින්තු ප්‍රභු ර්මම සහායෝ (අ)භවත් යථා ච මයා ඝෝෂණා සාධ්‍යේත භින්නජාතීයාශ්ච සර්ව්වේ සුසංවාදං ශෘණුයුස්තථා මහ්‍යං ශක්තිම් අදදාත් තතෝ (අ)හං සිංහස්‍ය මුඛාද් උද්ධෘතඃ|

18 අපරං සර්ව්වස්මාද් දුෂ්කර්ම්මතඃ ප්‍රභු ර්මාම් උද්ධරිෂ්‍යති නිජස්වර්ගීයරාජ්‍යං නේතුං මාං තාරයිෂ්‍යති ච| තස්‍ය ධන්‍යවාදඃ සදාකාලං භූයාත්| ආමේන්|

19 ත්වං ප්‍රිෂ්කාම් ආක්කිලම් අනීෂිඵරස්‍ය පරිජනාංශ්ච නමස්කුරු|

20 ඉරාස්තඃ කරින්ථනගරේ (අ)තිෂ්ඨත් ත්‍රඵිමශ්ච පීඩිතත්වාත් මිලීතනගරේ මයා ව්‍යහීයත|

21 ත්වං හේමන්තකාලාත් පූර්ව්වම් ආගන්තුං යතස්ව| උබූලඃ පූදි ර්ලීනඃ ක්ලෞදියා සර්ව්වේ භ්‍රාතරශ්ච ත්වාං නමස්කුර්ව්වතේ|

22 ප්‍රභු ර‍්‍යීශුඃ ඛ්‍රීෂ්ටස්තවාත්මනා සහ භූයාත්| යුෂ්මාස්වනුග්‍රහෝ භූයාත්| ආමේන්|