2 Peter 3

1 ஹே ப்ரியதமா​:, யூயம்ʼ யதா² பவித்ரப⁴விஷ்யத்³வக்த்ருʼபி⁴​: பூர்வ்வோக்தாநி வாக்யாநி த்ராத்ரா ப்ரபு⁴நா ப்ரேரிதாநாம் அஸ்மாகம் ஆதே³ஸ²ஞ்ச ஸாரத² ததா² யுஷ்மாந் ஸ்மாரயித்வா

2 யுஷ்மாகம்ʼ ஸரலபா⁴வம்ʼ ப்ரபோ³த⁴யிதும் அஹம்ʼ த்³விதீயம் இத³ம்ʼ பத்ரம்ʼ லிகா²மி|

3 ப்ரத²மம்ʼ யுஷ்மாபி⁴ரித³ம்ʼ ஜ்ஞாயதாம்ʼ யத் ஸே²ஷே காலே ஸ்வேச்சா²சாரிணோ நிந்த³கா உபஸ்தா²ய

4 வதி³ஷ்யந்தி ப்ரபோ⁴ராக³மநஸ்ய ப்ரதிஜ்ஞா குத்ர? யத​: பித்ருʼலோகாநாம்ʼ மஹாநித்³ராக³மநாத் பரம்ʼ ஸர்வ்வாணி ஸ்ருʼஷ்டேராரம்ப⁴காலே யதா² ததை²வாவதிஷ்ட²ந்தே|

5 பூர்வ்வம் ஈஸ்²வரஸ்ய வாக்யேநாகாஸ²மண்ட³லம்ʼ ஜலாத்³ உத்பந்நா ஜலே ஸந்திஷ்ட²மாநா ச ப்ருʼதி²வ்யவித்³யதைதத்³ அநிச்சு²கதாதஸ்தே ந ஜாநாந்தி,

6 ததஸ்தாத்காலிகஸம்ʼஸாரோ ஜலேநாப்லாவிதோ விநாஸ²ம்ʼ க³த​:|

7 கிந்த்வது⁴நா வர்த்தமாநே ஆகாஸ²பூ⁴மண்ட³லே தேநைவ வாக்யேந வஹ்ந்யர்த²ம்ʼ கு³ப்தே விசாரதி³நம்ʼ து³ஷ்டமாநவாநாம்ʼ விநாஸ²ஞ்ச யாவத்³ ரக்ஷ்யதே|

8 ஹே ப்ரியதமா​:, யூயம் ஏததே³கம்ʼ வாக்யம் அநவக³தா மா ப⁴வத யத் ப்ரபோ⁴​: ஸாக்ஷாத்³ தி³நமேகம்ʼ வர்ஷஸஹஸ்ரவத்³ வர்ஷஸஹஸ்ரஞ்ச தி³நைகவத்|

9 கேசித்³ யதா² விலம்ப³ம்ʼ மந்யந்தே ததா² ப்ரபு⁴​: ஸ்வப்ரதிஜ்ஞாயாம்ʼ விலம்ப³தே தந்நஹி கிந்து கோ(அ)பி யந்ந விநஸ்²யேத் ஸர்வ்வம்ʼ ஏவ மந​:பராவர்த்தநம்ʼ க³ச்சே²யுரித்யபி⁴லஷந் ஸோ (அ)ஸ்மாந் ப்ரதி தீ³ர்க⁴ஸஹிஷ்ணுதாம்ʼ வித³தா⁴தி|

10 கிந்து க்ஷபாயாம்ʼ சௌர இவ ப்ரபோ⁴ ர்தி³நம் ஆக³மிஷ்யதி தஸ்மிந் மஹாஸ²ப்³தே³ந க³க³நமண்ட³லம்ʼ லோப்ஸ்யதே மூலவஸ்தூநி ச தாபேந க³லிஷ்யந்தே ப்ருʼதி²வீ தந்மத்⁴யஸ்தி²தாநி கர்ம்மாணி ச த⁴க்ஷ்யந்தே|

11 அத​: ஸர்வ்வைரேதை ர்விகாரே க³ந்தவ்யே ஸதி யஸ்மிந் ஆகாஸ²மண்ட³லம்ʼ தா³ஹேந விகாரிஷ்யதே மூலவஸ்தூநி ச தாபேந க³லிஷ்யந்தே

12 தஸ்யேஸ்²வரதி³நஸ்யாக³மநம்ʼ ப்ரதீக்ஷமாணைராகாங்க்ஷமாணைஸ்²ச யூஷ்மாபி⁴ ர்த⁴ர்ம்மாசாரேஸ்²வரப⁴க்திப்⁴யாம்ʼ கீத்³ருʼஸை² ர்லோகை ர்ப⁴விதவ்யம்ʼ?

13 ததா²பி வயம்ʼ தஸ்ய ப்ரதிஜ்ஞாநுஸாரேண த⁴ர்ம்மஸ்ய வாஸஸ்தா²நம்ʼ நூதநம் ஆகாஸ²மண்ட³லம்ʼ நூதநம்ʼ பூ⁴மண்ட³லஞ்ச ப்ரதீக்ஷாமஹே|

14 அதஏவ ஹே ப்ரியதமா​:, தாநி ப்ரதீக்ஷமாணா யூயம்ʼ நிஷ்கலங்கா அநிந்தி³தாஸ்²ச பூ⁴த்வா யத் ஸா²ந்த்யாஸ்²ரிதாஸ்திஷ்ட²தை²தஸ்மிந் யதத்⁴வம்ʼ|

15 அஸ்மாகம்ʼ ப்ரபோ⁴ ர்தீ³ர்க⁴ஸஹிஷ்ணுதாஞ்ச பரித்ராணஜநிகாம்ʼ மந்யத்⁴வம்ʼ| அஸ்மாகம்ʼ ப்ரியப்⁴ராத்ரே பௌலாய யத் ஜ்ஞாநம் அதா³யி தத³நுஸாரேண ஸோ(அ)பி பத்ரே யுஷ்மாந் ப்ரதி ததே³வாலிக²த்|

16 ஸ்வகீயஸர்வ்வபத்ரேஷு சைதாந்யதி⁴ ப்ரஸ்துத்ய ததே³வ க³த³தி| தேஷு பத்ரேஷு கதிபயாநி து³ரூஹ்யாணி வாக்யாநி வித்³யந்தே யே ச லோகா அஜ்ஞாநாஸ்²சஞ்சலாஸ்²ச தே நிஜவிநாஸா²ர்த²ம் அந்யஸா²ஸ்த்ரீயவசநாநீவ தாந்யபி விகாரயந்தி|

17 தஸ்மாத்³ ஹே ப்ரியதமா​:, யூயம்ʼ பூர்வ்வம்ʼ பு³த்³த்⁴வா ஸாவதா⁴நாஸ்திஷ்ட²த, அதா⁴ர்ம்மிகாணாம்ʼ ப்⁴ராந்திஸ்ரோதஸாபஹ்ருʼதா​: ஸ்வகீயஸுஸ்தி²ரத்வாத் மா ப்⁴ரஸ்²யத|

18 கிந்த்வஸ்மாகம்ʼ ப்ரபோ⁴ஸ்த்ராது ர்யீஸு²க்²ரீஷ்டஸ்யாநுக்³ரஹே ஜ்ஞாநே ச வர்த்³த⁴த்⁴வம்ʼ| தஸ்ய கௌ³ரவம் இதா³நீம்ʼ ஸதா³காலஞ்ச பூ⁴யாத்| ஆமேந்|