Acts 5

1 ததா³ அநாநியநாமக ஏகோ ஜநோ யஸ்ய பா⁴ர்ய்யாயா நாம ஸபீ²ரா ஸ ஸ்வாதி⁴காரம்ʼ விக்ரீய

2 ஸ்வபா⁴ர்ய்யாம்ʼ ஜ்ஞாபயித்வா தந்மூல்யஸ்யைகாம்ʼஸ²ம்ʼ ஸங்கோ³ப்ய ஸ்தா²பயித்வா தத³ந்யாம்ʼஸ²மாத்ரமாநீய ப்ரேரிதாநாம்ʼ சரணேஷு ஸமர்பிதவாந்|

3 தஸ்மாத் பிதரோகத²யத் ஹே அநாநிய பூ⁴மே ர்மூல்யம்ʼ கிஞ்சித் ஸங்கோ³ப்ய ஸ்தா²பயிதும்ʼ பவித்ரஸ்யாத்மந​: ஸந்நிதௌ⁴ ம்ருʼஷாவாக்யம்ʼ கத²யிதுஞ்ச ஸை²தாந் குதஸ்தவாந்த​:கரணே ப்ரவ்ருʼத்திமஜநயத்?

4 ஸா பூ⁴மி ர்யதா³ தவ ஹஸ்தக³தா ததா³ கிம்ʼ தவ ஸ்வீயா நாஸீத்? தர்ஹி ஸ்வாந்த​:கரணே குத ஏதாத்³ருʼஸீ² குகல்பநா த்வயா க்ருʼதா? த்வம்ʼ கேவலமநுஷ்யஸ்ய நிகடே ம்ருʼஷாவாக்யம்ʼ நாவாதீ³​: கிந்த்வீஸ்²வரஸ்ய நிகடே(அ)பி|

5 ஏதாம்ʼ கதா²ம்ʼ ஸ்²ருத்வைவ ஸோ(அ)நாநியோ பூ⁴மௌ பதந் ப்ராணாந் அத்யஜத், தத்³வ்ருʼத்தாந்தம்ʼ யாவந்தோ லோகா அஸ்²ருʼண்வந் தேஷாம்ʼ ஸர்வ்வேஷாம்ʼ மஹாப⁴யம் அஜாயத்|

6 ததா³ யுவலோகாஸ்தம்ʼ வஸ்த்ரேணாச்சா²த்³ய ப³ஹி ர்நீத்வா ஸ்²மஸா²நே(அ)ஸ்தா²பயந்|

7 தத​: ப்ரஹரைகாநந்தரம்ʼ கிம்ʼ வ்ருʼத்தம்ʼ தந்நாவக³த்ய தஸ்ய பா⁴ர்ய்யாபி தத்ர ஸமுபஸ்தி²தா|

8 தத​: பிதரஸ்தாம் அப்ருʼச்ச²த், யுவாப்⁴யாம் ஏதாவந்முத்³ராப்⁴யோ பூ⁴மி ர்விக்ரீதா ந வா? ஏதத்வம்ʼ வத³; ததா³ ஸா ப்ரத்யவாதீ³த் ஸத்யம் ஏதாவத்³ப்⁴யோ முத்³ராப்⁴ய ஏவ|

9 தத​: பிதரோகத²யத் யுவாம்ʼ கத²ம்ʼ பரமேஸ்²வரஸ்யாத்மாநம்ʼ பரீக்ஷிதும் ஏகமந்த்ரணாவப⁴வதாம்ʼ? பஸ்²ய யே தவ பதிம்ʼ ஸ்²மஸா²நே ஸ்தா²பிதவந்தஸ்தே த்³வாரஸ்ய ஸமீபே ஸமுபதிஷ்ட²ந்தி த்வாமபி ப³ஹிர்நேஷ்யந்தி|

10 தத​: ஸாபி தஸ்ய சரணஸந்நிதௌ⁴ பதித்வா ப்ராணாந் அத்யாக்ஷீத்| பஸ்²சாத் தே யுவாநோ(அ)ப்⁴யந்தரம் ஆக³த்ய தாமபி ம்ருʼதாம்ʼ த்³ருʼஷ்ட்வா ப³ஹி ர்நீத்வா தஸ்யா​: பத்யு​: பார்ஸ்²வே ஸ்²மஸா²நே ஸ்தா²பிதவந்த​:|

11 தஸ்மாத் மண்ட³ல்யா​: ஸர்வ்வே லோகா அந்யலோகாஸ்²ச தாம்ʼ வார்த்தாம்ʼ ஸ்²ருத்வா ஸாத்⁴வஸம்ʼ க³தா​:|

12 தத​: பரம்ʼ ப்ரேரிதாநாம்ʼ ஹஸ்தை ர்லோகாநாம்ʼ மத்⁴யே ப³ஹ்வாஸ்²சர்ய்யாண்யத்³பு⁴தாநி கர்ம்மாண்யக்ரியந்த; ததா³ ஸி²ஷ்யா​: ஸர்வ்வ ஏகசித்தீபூ⁴ய ஸுலேமாநோ (அ)லிந்தே³ ஸம்பூ⁴யாஸந்|

13 தேஷாம்ʼ ஸங்கா⁴ந்தர்கோ³ ப⁴விதும்ʼ கோபி ப்ரக³ல்ப⁴தாம்ʼ நாக³மத் கிந்து லோகாஸ்தாந் ஸமாத்³ரியந்த|

14 ஸ்த்ரிய​: புருஷாஸ்²ச ப³ஹவோ லோகா விஸ்²வாஸ்ய ப்ரபு⁴ம்ʼ ஸ²ரணமாபந்நா​:|

15 பிதரஸ்ய க³மநாக³மநாப்⁴யாம்ʼ கேநாபி ப்ரகாரேண தஸ்ய சா²யா கஸ்மிம்ʼஸ்²சிஜ்ஜநே லகி³ஷ்யதீத்யாஸ²யா லோகா ரோகி³ண​: ஸி²விகயா க²ட்வயா சாநீய பதி² பதி² ஸ்தா²பிதவந்த​:|

16 சதுர்தி³க்ஸ்த²நக³ரேப்⁴யோ ப³ஹவோ லோகா​: ஸம்பூ⁴ய ரோகி³ணோ(அ)பவித்ரபு⁴தக்³ரஸ்தாம்ʼஸ்²ச யிரூஸா²லமம் ஆநயந் தத​: ஸர்வ்வே ஸ்வஸ்தா² அக்ரியந்த|

17 அநந்தரம்ʼ மஹாயாஜக​: ஸிதூ³கிநாம்ʼ மதக்³ராஹிணஸ்தேஷாம்ʼ ஸஹசராஸ்²ச

18 மஹாக்ரோதா⁴ந்த்விதா​: ஸந்த​: ப்ரேரிதாந் த்⁴ருʼத்வா நீசலோகாநாம்ʼ காராயாம்ʼ ப³த்³த்⁴வா ஸ்தா²பிதவந்த​:|

19 கிந்து ராத்ரௌ பரமேஸ்²வரஸ்ய தூ³த​: காராயா த்³வாரம்ʼ மோசயித்வா தாந் ப³ஹிராநீயாகத²யத்,

20 யூயம்ʼ க³த்வா மந்தி³ரே த³ண்டா³யமாநா​: ஸந்தோ லோகாந் ப்ரதீமாம்ʼ ஜீவநதா³யிகாம்ʼ ஸர்வ்வாம்ʼ கதா²ம்ʼ ப்ரசாரயத|

21 இதி ஸ்²ருத்வா தே ப்ரத்யூஷே மந்தி³ர உபஸ்தா²ய உபதி³ஷ்டவந்த​:| ததா³ ஸஹசரக³ணேந ஸஹிதோ மஹாயாஜக ஆக³த்ய மந்த்ரிக³ணம் இஸ்ராயேல்வம்ʼஸ²ஸ்ய ஸர்வ்வாந் ராஜஸபா⁴ஸத³​: ஸபா⁴ஸ்தா²ந் க்ருʼத்வா காராயாஸ்தாந் ஆபயிதும்ʼ பதா³திக³ணம்ʼ ப்ரேரிதவாந்|

22 ததஸ்தே க³த்வா காராயாம்ʼ தாந் அப்ராப்ய ப்ரத்யாக³த்ய இதி வார்த்தாம் அவாதி³ஷு​:,

23 வயம்ʼ தத்ர க³த்வா நிர்வ்விக்⁴நம்ʼ காராயா த்³வாரம்ʼ ருத்³த⁴ம்ʼ ரக்ஷகாம்ʼஸ்²ச த்³வாரஸ்ய ப³ஹிர்த³ண்டா³யமாநாந் அத³ர்ஸா²ம ஏவ கிந்து த்³வாரம்ʼ மோசயித்வா தந்மத்⁴யே கமபி த்³ரஷ்டும்ʼ ந ப்ராப்தா​:|

24 ஏதாம்ʼ கதா²ம்ʼ ஸ்²ருத்வா மஹாயாஜகோ மந்தி³ரஸ்ய ஸேநாபதி​: ப்ரதா⁴நயாஜகாஸ்²ச, இத பரம்ʼ கிமபரம்ʼ ப⁴விஷ்யதீதி சிந்தயித்வா ஸந்தி³க்³த⁴சித்தா அப⁴வந்|

25 ஏதஸ்மிந்நேவ ஸமயே கஸ்²சித் ஜந ஆக³த்ய வார்த்தாமேதாம் அவத³த் பஸ்²யத யூயம்ʼ யாந் மாநவாந் காராயாம் அஸ்தா²பயத தே மந்தி³ரே திஷ்ட²ந்தோ லோகாந் உபதி³ஸ²ந்தி|

26 ததா³ மந்தி³ரஸ்ய ஸேநாபதி​: பதா³தயஸ்²ச தத்ர க³த்வா சேல்லோகா​: பாஷாணாந் நிக்ஷிப்யாஸ்மாந் மாரயந்தீதி பி⁴யா விநத்யாசாரம்ʼ தாந் ஆநயந்|

27 தே மஹாஸபா⁴யா மத்⁴யே தாந் அஸ்தா²பயந் தத​: பரம்ʼ மஹாயாஜகஸ்தாந் அப்ருʼச்ச²த்,

28 அநேந நாம்நா ஸமுபதே³ஷ்டும்ʼ வயம்ʼ கிம்ʼ த்³ருʼட⁴ம்ʼ ந ந்யஷேதா⁴ம? ததா²பி பஸ்²யத யூயம்ʼ ஸ்வேஷாம்ʼ தேநோபதே³ஸே²நே யிரூஸா²லமம்ʼ பரிபூர்ணம்ʼ க்ருʼத்வா தஸ்ய ஜநஸ்ய ரக்தபாதஜநிதாபராத⁴ம் அஸ்மாந் ப்ரத்யாநேதும்ʼ சேஷ்டத்⁴வே|

29 தத​: பிதரோந்யப்ரேரிதாஸ்²ச ப்ரத்யவத³ந் மாநுஷஸ்யாஜ்ஞாக்³ரஹணாத்³ ஈஸ்²வரஸ்யாஜ்ஞாக்³ரஹணம் அஸ்மாகமுசிதம்|

30 யம்ʼ யீஸு²ம்ʼ யூயம்ʼ க்ருஸே² வேதி⁴த்வாஹத தம் அஸ்மாகம்ʼ பைத்ருʼக ஈஸ்²வர உத்தா²ப்ய

31 இஸ்ராயேல்வம்ʼஸா²நாம்ʼ மந​:பரிவர்த்தநம்ʼ பாபக்ஷமாஞ்ச கர்த்தும்ʼ ராஜாநம்ʼ பரித்ராதாரஞ்ச க்ருʼத்வா ஸ்வத³க்ஷிணபார்ஸ்²வே தஸ்யாந்நதிம் அகரோத்|

32 ஏதஸ்மிந் வயமபி ஸாக்ஷிண ஆஸ்மஹே, தத் கேவலம்ʼ நஹி, ஈஸ்²வர ஆஜ்ஞாக்³ராஹிப்⁴யோ யம்ʼ பவித்ரம் ஆத்மநம்ʼ த³த்தவாந் ஸோபி ஸாக்ஷ்யஸ்தி|

33 ஏதத்³வாக்யே ஸ்²ருதே தேஷாம்ʼ ஹ்ருʼத³யாநி வித்³தா⁴ந்யப⁴வந் ததஸ்தே தாந் ஹந்தும்ʼ மந்த்ரிதவந்த​:|

34 ஏதஸ்மிந்நேவ ஸமயே தத்ஸபா⁴ஸ்தா²நாம்ʼ ஸர்வ்வலோகாநாம்ʼ மத்⁴யே ஸுக்²யாதோ க³மிலீயேல்நாமக ஏகோ ஜநோ வ்யவஸ்தா²பக​: பி²ரூஸி²லோக உத்தா²ய ப்ரேரிதாந் க்ஷணார்த²ம்ʼ ஸ்தா²நாந்தரம்ʼ க³ந்தும் ஆதி³ஸ்²ய கதி²தவாந்,

35 ஹே இஸ்ராயேல்வம்ʼஸீ²யா​: ஸர்வ்வே யூயம் ஏதாந் மாநுஷாந் ப்ரதி யத் கர்த்தும் உத்³யதாஸ்தஸ்மிந் ஸாவதா⁴நா ப⁴வத|

36 இத​: பூர்வ்வம்ʼ தூ²தா³நாமைகோ ஜந உபஸ்தா²ய ஸ்வம்ʼ கமபி மஹாபுருஷம் அவத³த், தத​: ப்ராயேண சது​:ஸ²தலோகாஸ்தஸ்ய மதக்³ராஹிணோப⁴வந் பஸ்²சாத் ஸ ஹதோப⁴வத் தஸ்யாஜ்ஞாக்³ராஹிணோ யாவந்தோ லோகாஸ்தே ஸர்வ்வே விர்கீர்ணா​: ஸந்தோ (அ)க்ருʼதகார்ய்யா அப⁴வந்|

37 தஸ்மாஜ்ஜநாத் பரம்ʼ நாமலேக²நஸமயே கா³லீலீயயிஹூதா³நாமைகோ ஜந உபஸ்தா²ய ப³ஹூல்லோகாந் ஸ்வமதம்ʼ க்³ராஹீதவாந் தத​: ஸோபி வ்யநஸ்²யத் தஸ்யாஜ்ஞாக்³ராஹிணோ யாவந்தோ லோகா ஆஸந் தே ஸர்வ்வே விகீர்ணா அப⁴வந்|

38 அது⁴நா வதா³மி, யூயம் ஏதாந் மநுஷ்யாந் ப்ரதி கிமபி ந க்ருʼத்வா க்ஷாந்தா ப⁴வத, யத ஏஷ ஸங்கல்ப ஏதத் கர்ம்ம ச யதி³ மநுஷ்யாத³ப⁴வத் தர்ஹி விப²லம்ʼ ப⁴விஷ்யதி|

39 யதீ³ஸ்²வராத³ப⁴வத் தர்ஹி யூயம்ʼ தஸ்யாந்யதா² கர்த்தும்ʼ ந ஸ²க்ஷ்யத², வரம் ஈஸ்²வரரோத⁴கா ப⁴விஷ்யத²|

40 ததா³ தஸ்ய மந்த்ரணாம்ʼ ஸ்வீக்ருʼத்ய தே ப்ரேரிதாந் ஆஹூய ப்ரஹ்ருʼத்ய யீஸோ² ர்நாம்நா காமபி கதா²ம்ʼ கத²யிதும்ʼ நிஷித்⁴ய வ்யஸர்ஜந்|

41 கிந்து தஸ்ய நாமார்த²ம்ʼ வயம்ʼ லஜ்ஜாபோ⁴க³ஸ்ய யோக்³யத்வேந க³ணிதா இத்யத்ர தே ஸாநந்தா³​: ஸந்த​: ஸபா⁴ஸ்தா²நாம்ʼ ஸாக்ஷாத்³ அக³ச்ச²ந்|

42 தத​: பரம்ʼ ப்ரதிதி³நம்ʼ மந்தி³ரே க்³ருʼஹே க்³ருʼஹே சாவிஸ்²ராமம் உபதி³ஸ்²ய யீஸு²க்²ரீஷ்டஸ்ய ஸுஸம்ʼவாத³ம்ʼ ப்ரசாரிதவந்த​:|