4 ábame hariñagun: «Ka san mégeibei lau füramasei luagu lagiribuduba lan Kristu? Hilagua wagübürigu ani ítaramemegili sun katei kei meha lúmagiñe dan le ladügǘnbei ubóu». 5 Mabusenrúntiña hasubudiruni luagu ladügüni lan Bungiu sun katei lidan lidaani lun ladügǘniwa. Adüga lumuti meha sielu luma ubóu lúmagiñe binarü lau lugumadin; adügaléi múa lídangiñe duna ani lau duna. 6 Aba lachülürün dan lun lagünrinchaguni Bungiu ubóu meha ligira lau lidunarina guran.
13 Ánheinti wagía, aguraba wamuti iseri sielu luma iseri ubóu le füramase láalibei Bungiu woun; úaraguabei sun katei ñein, ani buídubei sun katei ñein, richagua.