4 Gunda humá súnwandan, ladüga lídanñadün aban luma Wabureme. Águyuguagüda numuti: Gunda humá!
6 Madiherida humá luagu ni kata, ariñagarügü huméi sun katei lun Bungiu súnwandan dan le hafurieidun; amuriaha humá luma, mabulieidagunga lun híchugun eteingiruni lun. 7 Ábameti líchuguni Bungiu lidarangilan hun, le wéiritimabei luéi sun subudi; lun lóunigirunu hanigi luma sun hisaminan, ladüga lídanñadün aban luma Kristu Hesusu.
11 Mabusenruntina hamuga haritagun luagu mégeiñadina lan, lugundun furendeihadina lun gúndaañu nan lau le númati; 12 subudi numuti labagaridúniwa lidan gudemei, subudinéi giñe gámawa lan gibe. Furendeihadina lawandúniwa furumiñeguarügü igaburi, ilamaü yebe o kimulei, anihein lan yebe darí lun lígiragún o úa lan ni kata. 13 Sun katei gayara numuti lidan Kristu le íchugubei erei nun.