Ísüraelina ha sálbabaña
1 Ariñagatinati guentó: Máhaali funa san Bungiu houn lumutuniña? Mama liña! Au guánarügü Ísüraelina au; hádangiñetina lirasan Abüraámü, hádangiñe ladügawagun Benhamín. 2 Barǘ lumutiña Bungiu Ísüraelina keisi lánigu lúmagiñe binarü; guentó, mamahanti houn. Maganbun humuti le tariñagubei Lererun Bungiu luagu Elíasi, le meha profeta, luagu líchuguni duru hawagun Ísüraelina lidan lafurieidún lun Bungiu? Lariñaga:
28 Luagu uganu le luáguti asalbaruni, barüwatiña huríu keisi láganiñu Bungiu luagu hufulesein; lau sun lira, hínsiñegiña lun Bungiu lugundun anúadira lumutiña hagüchagu. 29 Lugundun katei le líchugun Bungiu, magida lumuti; gürigia ha lanúadirubaña lun lánigu hamá, lánigumemebaña.