14 Subudi wamuti luagu lánina lan Sífiri lúrudu, ánheinti au, ǘgürügü au ani alugurúañu niña lun figóu. 15 Úati gunfuranda nani ka lan suserebei nun; madügün numuti katei buiti le nabusenrubei nadügün, nadügeirüga katei le iyereegubei nun. 16 Ánheinti le lubéi mabusenrun nubéi nadügün ligía nadüga, arufuda numuti luagu barǘ nani lúrudu kei katei buiti. 17 Mámaadina lubeiti au adügübalin katei wuribati le nadügübei; igaburi lánina figóu le nídanbei, ligía adügübalin.
Publicidade