Lucas 6

Däx tä Xongondu Sapid

6 Yasuwa käläs axä paliccä Yaxudiny bäldecce tä nuxu xongondu Sapitandäng. Ndä apangandäng tänya axä owdi andä abanicce käxsä. 7 Menggä lelericcä asiriyenä Musa, na Farisiny jenggere Yasuwa käsac. Paye bäle ka cong Yasuwa däxäcci tä xongondu Sapitang, ndey ka sä’dox rakawza säglinäs nga täma. 8 Ndä Yasuwa yex ngakäsagi sabokasa tä zänggäsang, na mängade tä 'doxti ande käxsängang ka, "Ngäsa tiyati dokala tä pidi todong." Na todi mangäsa magädokol tänya owdi.

9 Na Yasuwa ngade täsa ka, "Ampaye amän anggo ka, apo ta asiriye ka wex ngaka apoccu wala ka wex ngaka tasiny tä xongondu Sapid, ka xony rongic wala ka wanydäs?"

10 Na Yasuwa gaw ze käsaya sa na’anggäsa na ngade ta apangzi ande käxsäng ka, "Langi andägi." Na apang kälanga ande na ande kaliy apo.