ಮಾತೆವ್ 15

3 ಜೆಜುನ್ ತೆಂಕಾ, ತುಮಿ ದೆವಾಚ್ಯಾ ಖಾಯ್ದ್ಯಾ ಪರ್‍ಕಾರ್ ಕಶ್ಯಾಕ್ ಚಲಿನ್ಯಾಶಿ? ತುಮ್ಚೆಚ್ ಖಾಯ್ದೆ ಕಶ್ಯಾಕ್ ಪಾಳ್ತ್ಯಾಶಿ? 4 ಕಶ್ಯಾಕ್ ಮಟ್ಲ್ಯಾರ್ ದೆವ್ ಮನ್ತಾ. ತುಮ್ಚ್ಯಾ ಬಾಯ್ ಬಾಬಾಕ್ನಿ ಮಾನ್ ದಿವಾ. ಜೆ ಕೊನ್ ಅಪ್ನಾಚ್ಯಾ ಬಾಯ್-ಬಾಬಾಕ್ನಿ ಸರಾಪ್ತಾ ತೆಕಾ ಮರ್‍ನಾಚಿ ಶಿಕ್ಷಾ ದಿವ್ಚಿ. 5 ಖರೆ ತುಮಿ ಎಕ್ ಮಾನ್ಸಾಕ್ಡೆ ಅಪ್ನಾಚ್ಯಾ ಬಾಯ್ಕ್ ನಾ ತರ್ ಬಾಬಾಕ್ ಮಜತ್ ಕರುಕ್ ಮನುನ್ ವಾಪ್ರುಕ್ ಜೆ ಕಾಯ್ ಹಾಯ್.ತೆ ತೆನಿ ಸಗ್ಳೆ ದೆವಾಕ್‍ ಭೆಟ್ವುನ್ ದಿಲ್ಲೆ ಹಾಯ್ ಮನುನ್ ಮಟ್ಲ್ಯಾರ್. 6 ತೆನಿ ತ್ಯಾ ಬಾಯ್-ಬಾಬಾಕ್ ಮಾನ್ ದಿತಲಿ ಗರಜ್ ನಾ ಮನುನ್ ತುಮಿ ಶಿಕ್ವುತ್ಯಾಶಿ. ಅಶೆ ತುಮಿ ತುಮ್ಚೆ ಖಾಯ್ದೆ ಪಾಳುಸಾಟ್ನಿ ಮನುನ್ ದೆವಾಚೆ ಖಾಯ್ದೆ ಸೊಡುನ್ ಸೊಡ್ತ್ಯಾಶಿ. 7 ಕುಸ್ಡೆ ತುಮಿ! ಇಸಾಯಿಯಾ ಪ್ರವಾದ್ಯಾನ್ ದೆವ್ ತುಮ್ಚ್ಯಾ ವಿಶಯಾತ್ ಕಾಯ್ ಮನ್ತಾ ಮನುನ್ ಬರಬ್ಬರ್ ಪ್ರವಾದ್ ಕರ್‍ಲ್ಯಾನಾಯ್.

8 ತೆ ಕಾಯ್ ಮಟ್ಲ್ಯಾರ್, ಹಿ ಲೊಕಾ ಖಾಲಿ ತೆಂಚ್ಯಾ ಗೊಸ್ಟಿಯಾನಿ ಎವ್ಡೆಚ್ ಮಾಕಾ ಮಾನ್ ದಿತ್ಯಾತ್.

ಖರೆ ತೆಂಚಿ ಮನಾ ಮಾಜೆಕ್ನಾ ಲೈ ಧುರ್ ಹಾತ್.

9 ತೆನಿ ಮಾಜೆ ಆರಾದನ್ ಕರುನ್ ಫಾಯ್ದೊ ನಾ. ಕಶ್ಯಾಕ್ ಮಟ್ಲ್ಯಾರ್ ತೆನಿ ಮಾಜೆ ಖಾಯ್ದೆ ಸೊಡುನ್ ಮಾನ್ಸಾನ್ ಕರಲ್ಲೆ ಖಾಯ್ದೆ ಲೊಕಾಕ್ನಿ ಶಿಕ್ವುತ್ಯಾತ್!*15:9 ಇಸಾ 29.13