1 ನವೊಮಿಚೊ ಘವ್ ಎಲಿಮೆಲೆಕಾಚ್ಯಾ ಸಮಂದಿಕಾತ್ನಿ ಎಕ್ ಸಾವ್ಕಾರ್ ಮಾನುಸ್ ಹೊತ್ತೊ, ತೆಚೆ ನಾವ್ ಬೊವಾಜ್. 2 ಎಕ್ ದಿಸ್ ಮೊವಾಬಾಂಚ್ಯಾ ರುತಾನ್ ನವೊಮಿಕ್ಡೆ, ಮಿಯಾ ಜಾವ್ನ್ ಕೊನಾಕ್ ಮಾಜೆ ವರ್‍ತಿ ದಯಾ ಯೆತಾ, ತೆಜ್ಯಾ ಸೆತಾತ್ನಾ ಲೊಂಬಾ ಎಚುನ್ ಗೊಳಾ ಕರುನ್ ಹಾನ್ತಾ ಮಟ್ಲಿನ್,

ತನ್ನಾ ನವೊಮಿನ್, ಜಾ ಮಾಜ್ಯಾ ಲೆಕಿ ಮಟ್ಲಿನ್.

3 ತನ್ನಾ ರುತ್ ಖಾಪ್ತಲ್ಯಾಂಚ್ಯಾ ಪಾಟ್ನಾ ಜಾವ್ನ್ ಥೈ-ಥೈ ಪಡಲ್ಲಿ ಲೊಂಬಾ ಯೆಚಿ, ತೆ ಸೆತ್ ಎಲಿಮೆಲೆಕಾಚ್ಯಾ ಕುಳಿಚ್ಯಾ ಬೊವಾಜನಾಚೆ ಹೊಲ್ಲೆ.

4 ತನ್ನಾ ಬೊವಾಜಾನ್ ಬೆತ್ಲೆಹೆಮಾಕ್ನಾ ಸೆತಾಕ್ ಯೆವ್ನ್, ಅಪ್ನಾಚ್ಯಾ ಪಿಕ್ ಕಾತ್ರನಿಚ್ಯಾ ಆಳಾಕ್ನಿ, ಸರ್ವೆಸ್ಪರ್ ತುಮ್ಚ್ಯಾ ವಾಂಗ್ಡಾ ರ್‍ಹಾಂವ್ದಿತ್, ಮಟ್ಲ್ಯಾನ್, ತನ್ನಾ ಆಳಾನಿ ತೆಕಾ, ಸರ್ವೆಸ್ಪರ್ ತುಕಾ ಆಶಿರ್ವಾದ್ ದಿಂವ್ದಿತ್ ಮನುನ್ ಜವಾಬ್ ದಿಲ್ಯಾನಿ.

5 ತನ್ನಾ ಬೊವಾಜಾನ್ ಕಾತ್ರನ್ ಕರ್‍ತಲ್ಯಾಕ್ನಿ ಬಗುನ್ ಘೆತಲ್ಯಾ ಮಕಾದಮ್ಮಾಕ್ಡೆ, ಹೆ ಕೊನಾಚೆ ಚೆಡು? ಮನುನ್ ಇಚಾರ್‍ಲ್ಯಾನ್.

6 ತನ್ನಾ ತ್ಯಾ ಮಕಾದಮ್ಮಾನ್, ಹಿ ಮೊವಾಬಿ ಬಾಯ್ಕೊಮನುಸ್, ನವೊಮಿಚ್ಯಾ ವಾಂಗ್ಡಾ ಮೊವಾಬ್ ದೆಸಾಕ್ನಾ ಯೆಲ್ಲಿ. 7 ಹಿನೆ, ಕಾತ್ರನಿಚ್ಯಾ ಲೊಕಾಂಚ್ಯಾ ಫಾಟ್ನಾ ಲೊಂಬಾ ಎಚುನ್ ಘೆವ್ಕ್ ಅಪ್ನಾಕ್ ಒಪ್ಕಿ ದಿವ್ಚೆ ಮನುನ್ ಮಾಗುನ್ ಘೆಟ್ಲಿನ್ , ಸಕ್ಕಾಳಿ ನಸ್ಕಾತ್ ಯೆಲ್ಲಿ ಅಜುನ್ಬಿ ಹಿತ್ತೆಚ್ ಹಾಯ್, ಅತ್ತಾ ಉಲ್ಲೆ ಆರಾಮ್ ಘೆವ್ಕ್ ಲಾಗ್ಲಾ, ಮಟ್ಲ್ಯಾನ್.

8 ತನ್ನಾ ಬೊವಾಜಾನ್ ರುತಾಕ್, ಆಯ್ಕ್ ಮಾಜ್ಯಾ ಲೆಕಿ; ಮಾಜೆ ಸೆತ್ ಸೊಡುನ್ ದುಸ್ರ್ಯಾ ಸೆತಾಕ್ ಜಾವ್ಕ್ ನಕ್ಕೊ, ಮಾಜ್ಯಾ ಹೆನ್ನ್ ಆಳಾಂಚ್ಯಾ ವಾಂಗ್ಡಾಚ್ ರ್‍ಹಾ. 9 ಮಾಜಿ ಆಳಾ ಖಲ್ಯಾ ಸೆತಾಕ್ ಕಾತ್ರನಿಕ್ ಜಾತಾತ್ ತ್ಯಾ ಸೆತಾಕ್ ತಿಯಾಬಿ ಜಾ, ತುಕಾ ಕೊನಿಬಿ ತರಾಸ್ ದಿವ್ಚೆ ನ್ಹಯ್ , ಮನುನ್ ಮಿಯಾ ಆಳಾಕ್ನಿ ತಾಕಿತ್ ದಿತಾ, ತುಕಾ ಸೊಸ್ ಲಾಗ್ಲ್ಯಾರ್ ಮಾಜ್ಯಾ ಆಳಾನಿ ಭರುನ್ ಹಾನಲ್ಲೆ ಪಾನಿ ಫಿ ಮಟ್ಲ್ಯಾನ್.

10 ರುತಾನ್ ತೆಕಾ, ಬಾಗುನ್ ನಮಸ್ಕಾರ್ ಕರುನ್, ದುಶ್ರ್ಯಾ ದೆಶಾಚಿ ಹೊಲ್ಲ್ಯಾ ಮಾಜೆ ವರ್‍ತಿ ತುಜಿ ಯೆವ್ಡಿ ಲೈ ಕರಾನ್ ಅನಿ ದಯಾ ಕಶ್ಯಾಕ್? ಮಟ್ಲಿನ್.

11 ತನ್ನಾ ಬೊವಾಜಾನ್, ತುಜೊ ಘವ್ ಮರಲ್ಲ್ಯಾಕ್ನಾ ಆಜ್ ಪತರ್ ತಿಯಾ ತುಜ್ಯಾ ಮಾಮಿ ಸಾಟ್ನಿ ಕರಲ್ಲೆ ಸಗ್ಳೆಬಿ ಆಯ್ಕಲಾ, ತಿಯಾ ತುಜ್ಯಾ ಸ್ವತಾಚೆ ದೆಶ್ ಅನಿ ತುಜ್ಯಾ ಬಾಯ್ ಬಾಬಾಕ್ನಿ ಸೊಡುನ್ ವಳಕ್ ನಸಲ್ಲ್ಯಾ ಲೊಕಾಂಚ್ಯಾ ಮದ್ದಿ ವಸ್ತಿ ರ್‍ಹಾವ್ಕ್ ಯೆಲೆ ಮನುನ್ಬಿ ಮಾಕಾ ಗೊತ್ತ್ ಹಾಯ್. 12 ತಿಯಾ ಕರಲ್ಲ್ಯಾ ಉಪ್ಕಾರಾಕ್ ತುಕಾ ಪ್ರತಿ ಫಳ್ ಗಾಂವ್ದಿತ್, ತಿಯಾ ಫಾಕುಟ್ಯಾಂಚೊ ಆಸ್ರೊ ಮಾಗುನ್ ಘೆವ್ನ್ ಯೆಲ್ಲೊ ತೊ ಇಜ್ರಾಯೆಲಾಂಚೊ ದೆವ್ ಸರ್ವೆಸ್ಪರಾನ್ ತುಕಾ ಬರೆ ಪರ್‍ತುನ್ ಫಳ್ ದಿಂವ್ದಿತ್, ಮನುನ್ ಜಾವಾಬ್ ದಿಲ್ಯಾನ್.

13 ತನ್ನಾ ತಿನಿ, ಸಾಯ್ಬಾ, "ಮಿಯಾ ಆಳ್ ಮನುನ್ ಘೆವ್ಕ್ ಯೊಗ್ಯ್ ನ್ಹಯ್ , ಹೊಲ್ಯಾರ್ಬಿ ಮಾಕಾ ದಯಾ ದಾಕ್ವುನ್ ಪ್ರೆಮಾನ್ ಬೊಲ್ಲ್ಯಾಸಿ," ಮಟ್ಲಿನ್.

14 ಜೆವ್ನಾಚೊ ಎಳ್ ಹೊಲ್ಲ್ಯಾ ತನ್ನಾ, ಬೊವಾಜಾನ್, ಹಿತ್ತೆ ಯೆ, ಭಾಕ್ರಿಯಾ ಘೆವ್ನ್, ಆಂಬೊಟ್ ರಸಾತ್ ಬುಡ್ವುನ್ ಖಾ, ಮನುನ್ ಬಲ್ವುತಾನಾ, ತಿ ಜಾವ್ನ್ ಕಾತ್ರನಿಚ್ಯಾ ಲೊಕಾಂಚ್ಯಾಕ್ನಾ ಬಸ್ಲಿ, ತವ್ಡೆಚ್ ನಸ್ತಾನಾ, ತೆನೆ ತಿಕಾ ಭಾಜಲ್ಲಿ ಲೊಂಬಾಬಿ ದಿಲ್ಯಾನ್, ತಿ ಪೊಟ್ ಭರಿ ಪತರ್ ಖಾವ್ನ್ ಅನಿ ಉಲ್ಲೆ ಹುರ್ವುನ್ ಥವ್ನ್ ಘೆಟ್ಲಿನ್. 15 ಮಾನಾ ಪರ್‍ತುನ್ ಲೊಂಬಾ ಎಚುನ್ ಘೆವ್ಕ್ ಉಟಲ್ಲ್ಯಾ ತನ್ನಾ, ಬೊವಾಜಾನ್ ಅಪ್ನಾಚ್ಯಾ ಆಳಾಕ್ನಿ, ಹಿಕಾ ಭಾರ್‍ಯಾಂಚ್ಯಾ ಮದ್ದಿ ಲೊಂಬಾ ಎಚುನ್ ಘೆವ್ನ್ ಸೊಡಾ, ತಿಕಾ ಆಡ್ವು ನಕಾಸಿ; 16 ಭಾರ್‍ಯಾಂತ್ನಾ ಲೊಂಬಾ ಕಾಡುನ್ಗೆತ್ ಜಾವಾ, ತಿ ಗೊಳಾ ಕರುನ್ ಘೆಂವ್ದಿತ್, ತಿಕಾ ಜೊರ್ ಕರುನಕಾಸಿ, ಮನುನ್ ಹುಕುಮ್ ದಿಲ್ಯಾನ್.

17 ರುತಾನ್ ಸಾಂಜ್ ಪತರ್ಬಿ ಲೊಂಬಾ ಎಚುನ್ ಗೊಳಾ ಕರಲ್ಲೆ ಬಡ್ವುನ್ ಬಗ್ತಾನಾ ಲೈ ಕರುನ್ ತಿಸ್ ಸೆರ್ ಬಾರ್‍ಲಿ ಗಾವ್ಲಿ. 18 ತಿ ಬಾರ್‍ಲಿ ಘೆವ್ನ್ ಗಾಂವಾಕ್ ಯೆವ್ನ್, ಮಾಮಿಕ್ ದಾಕ್ವುಲಿನ್. ಅನಿ ಅಪ್ನಿ ಖಾತಾನಾ ಹುರ್ವುನ್ ಥವ್ನ್ ಘೆಟಲ್ಲೆ ಖಾನೊ ಕಾಡುನ್ ದಿಲಿನ್. 19 ತನ್ನಾ ಮಾಮಿನ್, ತಿಯಾ ಕೊನಾಚ್ಯಾ ಸೆತಾತ್ ಕನ್ಸಾ ಎಚ್ಲೆಯ್? ಖೈ ಕಾಮ್ ಕರ್‍ಲೆ? ತುಕಾ ದಯಾ ದಾಕ್ವಲ್ಲ್ಯಾ ಮಾನ್ಸಾಕ್ ಬರೆ ಹೊಂವ್ದಿತ್, ಮನ್ತಾನಾ,

ರುತಾನ್, ಮಿಯಾ ಲೊಂಬಾ ಯೆಚಲ್ಲ್ಯಾ ಸೆತ್ಯಾಚ್ಯಾ ಮಾಲ್ಕಾಚೆ ನಾವ್ ಬೊವಾಜ್ ಮಟ್ಲಿನ್.

20 ತನ್ನಾ ನವೊಮಿನ್, "ಅಪ್ನಾಚ್ಯಾ ಸುನ್ನೆಕ್ ಮಟ್ಲಿನ್ ಮರಲ್ಲ್ಯಾಕ್ನಿ ಅನಿ ಝಿತ್ತೆ ಹೊತ್ತ್ಯಾಕ್ನಿ ದಯಾ ದಾಕ್ವುತಲ್ಯಾ ದೆವಾಕ್ನಾ ತೆಕಾ ಆಶಿರ್ವಾದ್ ಘಾಂವ್ದಿತ್." ಅನಿ ನವೊಮಿನ್ ತೊ ಅಮ್ಚೊ ಜಗ್ಗೊಳ್ಲ್ಯಾ ಸಮಂದಿಕ್ ಮನುನ್ಬಿ ರುತಾಕ್ ಸಾಂಗಟ್ಲಿನ್.

21 ತನ್ನಾ ಮೊವಾಬಾಂಚ್ಯಾ ರುತಾನ್, ತವ್ಡೆಚ್ ನಸ್ತಾನಾ ಮಾಕಾ ತ್ಯಾ ಮಾನ್ಸಾನ್, ಕಾತ್ರನಿಚೊ ಎಳ್ ಸರಿ ಪತರ್ಬಿ ಅಪ್ನಾಚ್ಯಾ ಆಳಾಂಚ್ಯಾ ವಾಂಗ್ಡಾಚ್ ರ್‍ಹಾ, ಮನುನ್ ಸಾಂಗ್ಲಾ ಮಟ್ಲಿನ್.

22 ತನ್ನಾ ನವೊಮಿನ್ ಅಪ್ನಾಚಿ ಸುನ್ನ್ ರುತಾಕ್, ಮಾಜ್ಯಾ ಲೆಕಿ, ತಿಯಾ ತೆಜ್ಯಾ ಆಳಾಂಚ್ಯಾ ವಾಂಗ್ಡಾಚ್ ಜಾತಲೆ ಬರೆ, ದುಸ್ರ್ಯಾ ಸೆತಾಕ್ ಗೆಲ್ಯಾರ್ ತುಕಾ ಕಾಯ್ತರಿಬಿ ತರಾಸ್ ಯೆಯ್ಲ್ ಮಟ್ಲಿನ್. 23 ತಸೆಚ್ ರುತ್ ಅಪ್ನಾಚ್ಯಾ ಮಾಮಿಚ್ಯಾ ವಾಂಗ್ಡಾ ರ್‍ಹಾವ್ನ್, ಬಾರ್‍ಲಿ ಅನಿ ಘಂವಾಚಿ ಕಾತ್ರನ್ ಸರಿ ಪತರ್ಬಿ ಬೊವಾಜಾಚ್ಯಾ ಕಾಮ್ ಕರ್‍ತಲ್ಯಾ ಬಾಯ್ಕಾ ಮಾನ್ಸಾಂಚ್ಯಾ ವಾಂಗ್ಡಾಚ್ ಜಾವ್ನ್ ಲೊಂಬಾ ಎಚುಕ್ ಲಾಗಲ್ಲಿ.