EFESOFOƐ 1

15 Ɛhe ati, ofi mmerɛ bɔ ndele gyidie bɔ ɛmɔle ye wɔ Awurade Yesu nu, ɔne ɔdɔ bɔ ɛmɔle ye bɛma akrongronfoɛ nanwo dwirɛ ne, 16 daa biala meda Nyameɛ ase mema ɛmɔ, na mebɔ mbaeɛ mema ɛmɔ, 17 kyɛ y’Awurade Yesu Kristo Nyameɛ, bɔ ɔte anuonyam Baba ne, ɔma ɛmɔ honhom bɔ ɔkɔmaa ɛmɔ konwu nyanza, na ɔma ɛmɔte nningyein bɔ ɔye kyire nabo, ná wamaa ɛmɔ anya ye nwo nahorɛ nimdeɛ. 18 Ná obukye ɛmɔ adwene nu maa ɛmɔnwu anidasoɛ bɔ yeti ɔfrɛle ɛmɔ, ɔne nningyein pa bɔ wafa wahyɛ akrongronfoɛ bɔ ne, 19 ná wamaa ɛmɔ anwu kyɛbɔ ye tumi ne te piri na ɔbo so ma bɛ bɔ bɛte gyidifoɛ ne. Yɛnwu sɔ anwoserɛ ne, mmerɛ bɔ ye tumi ne yɛ adwuma ne; 20 ɛhene yeɛ ɔfa yɛle adwuma mmerɛ bɔ otingyele Kristo fili ewue nu, ná ɔfale ye tenane ye sa famaa so wɔ anwuro ne. 21 Nekaa bɔ wafa ye watena ne, ɔtra awaen, tumi, anwoserɛ, ne panyi biala. Na ɔtra dumaa biala, nná wiase he anu ngome, mmom wiase bɔ ɔba nanu koso. 22 Afei koso, wafa nikye biala wawura ye gya bo, na wamaa wayɛ panyi wɔ nikye biala so wɔ asafo nanu, 23 asafo ne yeɛ ole ye nipadua ne; na ye bɔ ɔmaa nikye biala di mu ne, ye yeɛ ɔmaa asafo ne di mu ɔ.