1 Aliemaa mɔ, sɛ ebie di mvomsoɛ kora né ye nye awa ye nwo so a, ɛmɔ bɔ ɛmɔ nwo akwokwa ne, ɛmɔbɔ mmɔden bɛle ye besie yé, nakoso honhom bɔ odwo yeɛ ɛmɔfa bɛyɛ sɔ ɔ. Na ɛmɔnea ɛmɔ nwo yé, ofikyɛ annea a né basɔ ɛmɔ koso banea. 2 Ná ɛmɔhɔ so bɛboka-boka ɛmɔ nwo,6:2 Anaa "Ɛmɔboka aliemaa mɔ ma bɛsoa bɛ nningyein bɔ enu yɛ nno ne." sɛ ɛmɔyɛ sɔ a, né ɛmɔdi Kristo mmeraa naso. 3 Sɛ ebie adwene yɛ ye kyɛ odi mu, nakoso ɔtte huu a, né ɔlaka-laka ye nwo. 4 Yeti, ɛmɔma ebiala nea kyɛbɔ ye bɔbɔ ye adwuma te ɔ, ɛhene yeɛ ɔkɔmaa okonya nikye bie kɔfa kɔhoɔhoa ye nwo, ná ɔtte kyɛ ɔfa ye nwo toto ebie nwo. 5 Ofikyɛ, ebiala kɔsoa ye bɔbɔ ye adesoa.
Publicidade