4 Ɛmɔ bɔ ɛmɔ sɛkye agyaa ne, ɛmɔnze kyɛ sɛ ɛmɔfa wiase ne adamvoa a, okyire kyɛ ɛmɔtane Nyameɛ? Yeti ebiala bɔ okuro kyɛ ɔfa wiase ne adamvoa ne, né ɔyɛ ye nwo Nyameɛ tamfo. 6 Nakoso adom bɔ wafa wama yɛ ne, ɔsone tra sɔ honhom ne. Yeti, tworɔnzɛm ne ka kyɛ:
"Nyameɛ si bɛ bɔ bɛte dwɛɛ ne atee,
ná anwobraseɛfoɛ de, ɔdo bɛ."
7 Yeti ɛmɔbrɛ ɛmɔ nwo ase bɛwura Nyameɛ bo. Ɛmɔsi Abɔnzam atee, na ɔkɔnwati kofi ɛmɔ nwo. 8 Ɛmɔpingye Nyameɛ, na ye koso okopingye ɛmɔ. Abɔnefoɛ, ɛmɔnwunzi ɛmɔ sa; ná ɛmɔ bɔ ɛmɔ adwene yɛ ɛmɔ nyɔ-nyɔ ne, ɛmɔte ɛmɔ ahone nu.