Salmos 67

Si birin xa Ala xa marakisi kolon

Ala matɔxɔɛ

1 Bɛɛti nun suuki bɛɛtibae xa mangɛ bɛ. A xa ba kɔra xui ra.

2 Ala xa hinnɛ won na,

Ala xa barakɛ ragoro won ma,

Ala xa naiyalanyi xa yanba won ma, Ɲɛngi rate

3 alako a xa kirae xa kolon duniɲa ma,

alako si birin xa a xa marakisi kolon.

4 Ala, sie xa i tantu, si birin xa i tantu.

5 E xa bɛɛti ba ɲɛlɛxinyi kui,

barima i sie makiitima nɔndi ra,

i tan nan e raɲɛrɛma yi duniɲa bɛndɛ fuɲi fari. Ɲɛngi rate.

6 Ala, sie xa i tantu,

si birin xa i tantu.

7 Bɔxi bara daxamui ramini won bɛ,

tantui na won Marigi Ala bɛ.

8 Ala xa barakɛ sa won ma,

duniɲa birin xa gaaxu a ya ra.