2 ಕೊರಿಂಥ 12

7 ಎ ಕಾರಣಕ್ಹು ವರಿ ಮನೆ ತಿಳ್ಸಾಯಲ ರಹಸ್ಯೊಕ್ಹು ಘನಾ ಕ್ಹಾಸ ರ‍್ಹಯಲಕ್ಹು ಮಿ ಹೊಗಳಿ ಲಿದ್ಯಾವಾಚಿ಼ ಗಪ್ಪ ರ‍್ಹೌಸ. ಪ್ರಕಟನೆನಾ ಹೆಚ್ಚಕ್ಹು ಮಿ ಮನೆ ಅತಿಶಯ ಥೈನ ಹೆಚ್ಚ ಕರಲ್ಯು ನೈ ಕೈನ ಯಕ್ಕ ಶೂಲ ಮನೆ ತಿವಿದಾನಾಹುತಿ ಮಾರಾ ಅಂಗಮಾ ಮ್ಹೆಲ್ಯಾಸ. ಮಿ ಅಹಂಕಾರ ಕರ‍್ಯಾವಾಚಿ ತಿಮ್ಮಜ಼ ಎ ಮನೆ ತಿವಿದಿನ ಸೈತಾನನಾ ದೂತನಾ ನಿಂಗತ ಕದ್ರಾವಾಡುತು. 8 ಆಮ ದುಕ್ಕ ಮನೆ ಛೊಡಿನ ಜಾವಾ ನಿಂಗತ ತನ್ನಸಲಾ ಕರ್ತಅಕನ ಮಾಂಗಿಲಿದ್ಯೊ ತೆನೈಸೊ 9 ತಿನಾಹುತಿ ತೆ, ಮಾರಿ ಕರಪಾ ತುನೆ ಬಸ್ಸ, ತಾಕತವರ ನಯ ರ‍್ಹಯಲ ಟೈಮಾ ಮಾರಿ ತಾಕತ ತಾರಾಕ್ಹಾತೆ ರ‍್ಹವಸ. ಕೈನ ಮನೆ ಕದ್ಯೊ. ಇಮ್ಮ ರ‍್ಹತಾಮಾ, ಕ್ರಿಸ್ತನಿ ತಾಕತ ಮಾರಾಮಾ ಔ ಕೈನ ಮನೆ ಥಾವಾನು ತಾಕತ ನೈ ರ‍್ಹತಾ ಟೈಮಾ ಘನೊ ಕ್ಹುಶಿ ಥೈನ ಹೆಚ್ಚ ಕರುಸ. 10 ತಿನಾಹುತಿ ಕ್ರಿಸ್ತನಾ ನಿಮಿತ್ತ ಬಲಹಿನಮಾ ಇನ್ಕಾರಮಾ , ಕೆರತೆಮಾ, ತ್ರಾಸಮಾ, ವರಿ ಇಕ್ಕಟ ಅನುಭವ ಕರ್ತಾಮಾ ಕ್ಹುಶಿ ಥಯೊಸ. ಕಾಕದ್ಯಾಮ ಮಿ ಕೆಳಾಮಾ ತಾಕತ ನಯಸೊವಾಲೊ ಥವುಸತೊ, ತೆಳಾಮಾಜ಼ ತಾಕತವಾಲೊ ಥವುಸ.