3 ಲಾಸ್ಟನಾ ದಿನ್ನೊಮಾ ಸು ಥಾವಸ ಕವಾನು ತುಮೆ ತಿಳ್ದಿಲಿವಾನು ಘನ್ನು ಜ಼ರುರತ ಛೆ. ಮನಕ್ಹೊ ತುಮೊನೆ ದೆಕಿನ ಹಿನಾವಸ್. ತ್ಯುನೆ ತ್ಯುನಾ ಮನಸೆ ಆಯಲತಿಮ್ಮ ಕೆಟ್ಟ ಕಾಮೊ ಕರತಾ ಜಿವ್ನಾ ಕರತಾ ರ‍್ಹವಸ.

4 ತೆ ಮನಕ್ಹೊ "ತೆ ವರಿ ಆವಾನು ಛೆ ಕೈನ ಕದಲ ತೆ ಕಿಜ್ಗಾ ಛೆ? ಹಮಾರಾ ಪಿತ್ರೊ ಮರಿಗಯಾ. ತೆನೈಸೊ ಎ ಜಗತ ಆದಿಮಾ ರ‍್ಹಯಲ ನಿಂಗತಜ಼ ಛೆ" ಕೈನ ಕವಸ. 5 ತೆನೈಸೊ ಘನ್ನಾ ದಿನ್ನ ಪೈಲಾ ಸು ಥೈತು ಶೆಂ ಕರಿಲಿವಾನೆ ತ್ಯುನು ಮನಸ ನತ್ತಿ. ಆದಿಮಾ ಕ್ಹುದಾ ಹಬಾಳ ತಯ್ಯಾರ ಕರ‍್ಯೊ. ಕ್ಹುದಾ ಜಗತ್ನೆ ಪಾನಿಮಾತೊ ವರಿ ಪಾನಿಕ್ಹು ತಯ್ಯಾರ ಕರ‍್ಯೊ. ಎ ಕ್ಹಾರಾ ಕ್ಹುದಾನಿ ವಾತಕ್ಹು ತಯ್ಯಾರ ಥಯು. 6 ಪಾಚ಼ಲ್ತೊ ತೆ ಜಗತ ಮ್ಹೊಟು ಪಾನಿ ಐನ ಹಾಳ ಥಯು. 7 ಹಮ್ನಾ ರ‍್ಹಯಲ ಹಬಾಳ ವರಿ ಜಿಮಿನ್ನೆ ಕ್ಹುದಾನಿ ವಾಕ್ಯಾಜ಼ ಆಸ್ರೊ ಥೈಸ. ಹಬಾಳ ವರಿ ಜಿಮಿನ ಆಗಕ್ಹು ಹಾಳ ಥಾವಾನೆ ಮುಕ್ಯಾಸ. ಕ್ಹುದಾನಾ ವಿರುದ್ದ ರ‍್ಹಯಲ ಮನಕ್ಹೊನೆ ಥಾವಾನಾ ಫೈಸಲಾನಾ ದಿನ್ನನಾಹುತಿ ಹಾಳಥಾವಾನಾಹುತಿ ಹಬಾಳ ಜಿಮಿನನೆ ಮುಕ್ಯಾಸ.