ಅಪೊಸ್ತಲೊ 16

ಪೌಲಾ ವರಿ ಸಿಲಾನೆ ಜೆಲ್ಮಾ ಘಾಲಲ

16 ತೆ ತಯಲ್ಪರ ಪ್ರಾಥನಾ ಥಾವಾನಿ ಜ಼ಗಾಪರ ಅಪೆ ಜಾ಼ತಾಮಾ ಸಕ್ಣಾ ಕವಾಲಿ ಯಕ್ಕ ಹೆಣ ಮನಕ್ಹ ತ್ಯುನಾ ಕ್ಹಾಮಿ ಐ. ತೆ ಬಾಕ್ಡಿ ಸಕಾಣಾ ಕವಾಕ್ಹು ತಿನಾ ಮಾಲಕನೆ ಘನ್ನಿ ಆದಾಯಾ ಥಾತಿತಿ. 17 ಹಮೆ ಜಾ಼ತಾಮಾ ತೆ ಬಾಕ್ಡಿ ಹಮಾರಾ ಪಾಚಿ಼ ಐನ ಎ ಮನಕ್ಹೊ ಪರಾತ್ಪರ ಥಯಲ ಕ್ಹುದಾನಾ ಸೆವಕೊ ವ್ಹೈ; ತುಮೊನೆ ರಕ್ಷಣೆನು ಮಾರ್ಗ ದೆಕಾಡಾತಾ ರ‍್ಹವಸ. ಕೈನ ವದ್ರಿನ ಕತಿತಿ. 18 ತೆ ಘನ್ನಾ ತಿನತಿಬಿ ಇಮ್ಮಜ಼ ಕರತಿ ರ‍್ಹಯಲ ಹುತಿ ಪೌಲಾ ಘನ್ನೊ ಬೆಜ್ಜಾರ ಥಯೊ. ತಿನಾ ಪಾಚೊ಼ ಫರಿನ ತಿಮಾ ರ‍್ಹಯಲ ಕೆಟ್ಟ ಆತ್ಮಾನೆ; ತಿನೆ ಛೊಡಿನ ಜಾ಼ ಕೈನ ಯೆಸು ಕ್ರಿಸ್ತನಾ ನಾಮಪರ ತುನೆ ಆಗನ್ಯಾ ದ್ಯುಸ. ಕದ್ಯೊ. ತೆಳಾಮಾಜ಼ ತೆ ಕೆಟ್ಟ ಆತ್ಮಾ ತಿಮಾತಿ ಚೊ಼ಡಿನ ಗೈಪಡಿ.