12 ಗಲ್ಲಿಯೊನಾ ಅಖಾಯಾ ಪ್ರಾಂತ್ಯನೆ ಅದಿಪತಿ ರ‍್ಹತಾಮಾ ಯೆಹುದಿಯೊ ಮಳಿನ ಪೌಲಾಪರ ಪಡಿನ ತಿನೆ ಫೈಸ್ಲೊ ಕರಾನಿ ಜ಼ಗಾ ಲಾಯಾ. 13 ಎ ಕ್ಹುದಾನೆ ಧರಮಶಾಸ್ತ್ರನಾ ವಿರುದ್ದ ಮನಕ್ಹೊನೆ ಪ್ರೊತ್ಸಾಹಾ ಕರಾಡ್ಯೊಸ. ಕೈನ ಕದ್ಯಾ.
14 ಪೌಲಾ ಪ್ರತಿವಾದ ಕರು ಕತಾಮಾ ಗಲ್ಲಿಯೊನ ಯೆಹುದಿಯೊನೆ ಎ ಯಹುದಿಯೊ, ಅನ್ಯಾಯ, ದುಶ್ಕರ್ಮೊ ಹೆವು ಸುಬಿ ರ‍್ಹಯುಮ ಮಿ ತುಮಾರಿಯೊ ವಾತೊ ಸಮಾಧಾನಕ್ಹು ಐಕಾನು ನ್ಯಾಯ ವ್ಹೈ ಸು? 15 ತೆನೈಸೊ ತುಮೆ ಕರಾನಾ ವಿವಾದ ಭೊದನೆನಾ ನಾಮೊ, ತುಮಾರಾ ಧರಮಶಾಸ್ತ್ರನಾ ಹುತಿ ತಿನಾಹುತಿ ತುಮೆಜ಼ ದೆಕಿಲಿವು. ಹಯ್ಯೊ ವಿಚಾರಣೆ ಕರಾನಾ ಹುತಿ ಮನೆತೊ ಮನಸ ನತ್ತಿ ಕೈನ. 16 ತ್ಯುನೆ ನ್ಯಾಯ ಕರಾನಿ ಜ಼ಗಾಕಂತಾ ಮೊಕ್ಲಿಪಾಡ್ಯೊ. 17 ತೆಳಾಮಾ ಕ್ಹಾರಾ ಮನಕ್ಹೊ ಸಭಾ ಮಂದಿರನೊ ಅದಿಕಾರಿ ಥಯಲ ಸೊಸ್ಥೆನೆ ಧರಿನ ನ್ಯಾಯಲಯನಾ ಕ್ಹಾಮಾಜ಼ ಮಾರ‍್ಯಾ. ಗಲ್ಲಿಯೊನನ ತ್ಯುನೊಮಾ ನಕ್ಕರ ಬಿ ಧ್ಯಾನ ದಿದ್ಯೊ ನೈ.