ಅನನ್ಯ ವರಿ ಸಫೈರಳ
1 ಅನನಿಯ ಕವಾಲೊ ಯಕ್ಲೊ ವ್ಹತ್ತೊ. ತಿನಿ ಬೈಕೊನು ನಾಮ ಸಫೈರಳ ವ್ಹೈ. ಅನನಿಯ ತಿಕನ ರ‍್ಹಯಲ ದಕ್ಹಿ ಜಿಮಿನ ಇಕ್ಯೊ. 2 ತೆನೈಸೊ, ಆಯಲ ದೊಕ್ಡಾಮಾ ಯಕ್ಕ ಭಾಗ ತೆ ಅಪೊಸ್ತಲೊನಾ ಪಗೊ ಕನ ಮ್ಹೆಲ್ಯೊ. ತೆ ದಕ್ಹಾ ದೊಕ್ಡಾ ತಿನಾಹುತಿ ಝಾಕಿನ ಮ್ಹೆಲ್ಯೊ. ತಿನಿ ಬೈಕೊನೆ ತೆ ಕ್ಹಾರು ಗ್ವತ್ತ ವ್ಹತ್ತು. ತಿನೆ ತೆ ವಪ್ಪಿಲಿದಿತಿ. 3 ಪೆತ್ರಾ"ಅನನಿಯ, ತಾರು ಮನಸ್ಸ ಆಳಾನೆ ತು ಸೈತಾನನೆ ವಪ್ಸಿನ ಕಾ ದಿದ್ಯೊಸ? ತು ಸುಳ್ಳ ಕೈನ, ಪವಿತ್ರ ಆತ್ಮಾನೆ ಮೊಸ ಕರಾನೆ ಕೊಶಿಶ ಕರ‍್ಯೊಸ. ತು ತಾರಿ ಜಿಮಿನ ಇಕ್ಯೊ, ತೆನೈಸೊ ಆಯಲ ದೊಕ್ಡಾಮಾ ಯಕ್ಕ ಭಾಗ ತು ತಾರಾ ಹುತಿ ಮ್ಹೆಲಿದಲ ಕಾ ವ್ಹೈ? 4 ತು ಜಿಮಿನ ಇಕಾತ್ತಿ ಅಗ್ದುರಜ಼ ತೆ ತಾರಿ ಥೈತಿ. ತು ಇಕ್ಕಲ ಪರಬಿ ಆಯಲ ದೊಕ್ಡಾ ತಾರಾ ಥಯತಾ. ಎ ಕೆಟ್ಟ ಕಾಮೊ ಕರಾನೆ ತು ಕಾ ವಿಚಾರ ಕರ‍್ಯೊ? ತು ಸುಳ್ಳ ಕದಲ ಕ್ಹುದಾನೆ ವ್ಹೈ ಮನಕ್ಹೊನೆ ನ್ಹವೈ ಕದ್ಯೊ.