ಅಪೊಸ್ತಲೊ 8:18-24

18 ಪೆತ್ರಾ ವರಿ ಯೊಹಾನ ಮನಕ್ಹೊನಾ ಮಾತಾಪರ ಹತ ಮ್ಹೆಲ್ತಾಮಾ ಪವಿತ್ರ ಆತ್ಮಾ ಮಳಾನು ಸಿಮೊನೆ ದೆಕಿನ ದೊಕ್ಡಾಲೈನ ಅಪೊಸ್ತಲೊನಾ ಕ್ಹಾಮೊ ಮುಕ್ಕಿನ, 19 ವರಿ "ಮಿ ಕಿನಾ ಮಾತಾಪರ ಹತ ಮ್ಹೆಲುಸ ತ್ಯುನೆ ಪವಿತ್ರ ಆತ್ಮಾನಿ ವರಾ ಮಳು ಕೈನ ಮನೆ ತೆವೊ ಅದಿಕಾರ ದಿವೊ ಕೈನ ತ್ಯುನೊನೆ ಕದ್ಯೊ. 20 ತೆಳಾಮಾ ಪೆತ್ರಾ ತಿನೆ, ತಾರು ರುಪ್ಪು ತಾರಾ ಕ್ಹಾತೆಜ಼ ಹಾಳ ಥೈನ ಜಾ಼ವಾದೆ. ಕ್ಹುದಾ ದಿವಾನಿ ವರಾ ದೊಕ್ಡಾ ದಿನ್ನ ಇಕ್ಕಾತು ಲಿವಾನು ವ್ಹೈ ಕೈನ ತಿಳ್ದಿಲಿದ್ಯೊಸ? 21 ಎ ಕಾಮಮಾ ತುನೆ ವಾಟೊಜ಼ ನತ್ತಿ ಕಾಕದ್ಯಾಮ ತಾರು ಮನಸ ಕ್ಹುದಾನಾ ಕ್ಹಾಮು ಚೊ಼ಕು ನತ್ತಿ. 22 ತಿನಾ ಹುತಿ ತು ತುಕನ ರ‍್ಹಯಲ ಕೆಟ್ಟತನಾ ಛೊಡಿನ ತು ಕರಲ ಪಾಪೊನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಫರ ಕರ್ತಾ ತಾರಾ ಮನಸ್ಮಾ ರ‍್ಹಯಲ ವಿಚಾರೊನೆ ಮಾಫ ಕರಸ ತಿಕನ ಮಾಂಗಿಲೆ. 23 ತು ಘನ್ನಾ ಕೆಟ್ಟ ವಿಚಾರೊಕ್ಹು ಭರ‍್ಯೊಸ ವರಿ ಪಾಪ ತುಪರ ರಾಜ ಕರಸ, ಕೈನ ಕದ್ಯಾ. 24 ತೆ ವಾತೆ ಸಿಮೊನ, ತುಮೆ ಕದಲ ವಾತೊ ನಿಂಗತ ಕಯುಜ಼ ಮಪರ ರ‍್ಹಯೆ ನೈಸೊ ಮಾರಾ ಹುತಿ ಕರ್ತಾಕನ ಮಾಂಗಿಲಿವೊ ಕೈನ ಕದ್ಯೊ.