1 ಪೈಲಾನಿ ವಡಂಬಡಿಕೆಮಾ ಆರಾಧನೆನಾ ನಿಯೊಮೊ ವ್ಹತ್ತಾ. ವರಿ ತಿಮಾ ಮನಕ್ಹ ಕರಲ ದೆವಾಲಯನಿ ಜ಼ಗಾ ವ್ಹತ್ತಿ. 2 ಕದ್ಯಾಮ ಯಕ್ಕ ಗುಡಾರ ಭಾಂದತಾತಾ ವರಿ ತಿಮಾ ಬೆ ಭಾಗ ಕರತಾತಾ. ಪಸ್ಟಲ್ಯಾ ಭಾಗನೆ ಪವಿತ್ರ ಜ಼ಗಾ ವ್ಹೈ ಕೈನ ಕತಾತಾ. ತ್ಯಾ, ಯಕ್ಕ ದಿವ್ವಾನೊ ಖಂಬೊ ವರಿ ಯಕ್ಕ ಟೆಬಲ ವ್ಹತ್ತು. ತಿಪರ ಕ್ಹುದಾನೆ ಎಡಿ ಚ಼ಡಾವಾನೆ ರೊಕ್ಲೊ ಮ್ಹೆಲ್ತಾತಾ.

3 ವರಿ ಬೆವಾ ಪರದಾನಾ ಪಾಚೊ಼ ಹಜಿಯಕ್ಕ ಕ್ಹೊಲಿನೆ, ಘನ್ನಿ ಪವಿತ್ರ ಜ಼ಗಾ ಕೈನ ಬಲಾತಾತಾ. 4 ಗರಭ ಗುಡಿಮಾ ಕ್ಹೊನಾನಿ ಆರತಿ ವರಿ ಕ್ಹೊನಾನಾ ಮ್ಹೈ ಭಾರಾ ಲಗಾಡಲ ವಡಂಬಡಿಕೆನು ಮಂಜುಷ ಎ ಕ್ಹಾರು ವ್ಹತ್ತು; ತೆ ಮಂಜುಷಮಾ ಎಡಿ ಮ್ಹೆಲಲ ಕ್ಹೊನಾನೊ ಥಾಳೊ ಆರೊನನಿ ಬೆಳ್ದಲ ಲಾಕಡಿ, ವಡಂಬಡಿಕೆ ಬರ್ದಲ ದಗ್ಡಾ ವ್ಹತ್ತಾ. 5 ತಿನಾ ಉಪ್ಪರ ಕೃಪಾ ಸನನೆ ಝಾಕಾನು ತೆಜಸನಾ ಕೆರುಬಿಯೊ ವ್ಹತ್ತಾ. ತೆ ಹಮ್ನಾ ಯಕ್ಕ ಯಕ್ಕ ಕವಾನೆ ಸಾದ್ಯನತ್ತಿ.