João 3

3 ಯೆಸು"ಮಿ ತುನೆ ಕ್ಹರಿಜ ಕೌಸ. ಯಕ್ಲೊ ನವೊ ಥೈನ ಹುಟ್ಟುಜ. ಯಕ್ಲೊ ನವೊ ಥೈನ ನೈ ಹುಟ್ಯೊಮ ತೆ ಕ್ಹುದಾನಿ ರಾಜ್ಯ ನೈ ದೆಕತೊ "ಕೈನ ಉತ್ತರ ದಿದ್ಯೊ.

4 ನಿಕೊದೆಮ"ಮನಕ್ಹೊ ಗಡಿಯೊ ಥಯಲ್ಪರ ಹುಟ್ಟಾನು ಕಿಮ್ಮ? ಯಕ್ಲೊ ತಿನಿ ಯಾನಾ ಪೆಟ್ಮಾ ವರಿಯಕ್ಕೆಮ ಜಾ಼ವಾನೆ ಸಾಧ್ಯ ಛೆಸು? ಕೈನ ಪುಚ್ಚೊ.

5 ತಿನೆ ಯೆಸು"ಮಿ ತುನೆ ಕ್ಹರಿಜ ಕೌಸ. ಯಕ್ಲೊ ಪಾನಿಕ್ಹು ಆತ್ಮಾಕ್ಹು ಹುಟ್ಟುಜ. ನೈತೊ ತೆ ಕ್ಹುದಾನಿ ರಾಜ್ಯನೆ ನೈ ಜಾತೊ. 6 ಅಂಗ ಯಕ್ಕ ಮನಕ್ಹೊ ಶರಿರಮಾ ತಿನಾ ಮಾ ಬಾ ಕ್ಹು ಹುಟ್ಯೊಸ. ತೆನೈಸೊ ಆತ್ಮಿಕಮಾ ತೆ ಆತ್ಮಾ ಕ್ಹು ಹುಟ್ಯೊಸ. 7 "ತು ನವೊ ಥೈನ ಹುಟ್ಟುಜ "ಕೈನ ಮಿ ಕದಲ ಕ್ಹು ಘಾಬ್ರೊ ಥೌ ನಕೊ. 8 ವಾರೊ ತಿನೆ ಮನಸ ಆಯಲ ಜ಼ಗಾ ಜಾ಼ವಸ. ವಾರೊ ಆವಾನು ಆವಾಜ ತು ಐಕ್ಸಿ. ತೆನೈಸೊ ವಾರೊ ಕಿಜ್ಗಾತೊ ಆವಾಡ್ಯೊಸ ವರಿ ಕಿಜಾ಼ ಜಾ಼ವಸ ತುನೆ ಗ್ವತ ನೈ ಥಾತು. ಆತ್ಮಾಕ್ಹು ಹುಟ್ಟಲ ಹರಿ ಯಕ್ಲೊ ತಿನಾನಿಂಗತ ಛೆ "ಕೈನ ಕದ್ಯೊ.