Lucas 8

ಯೆಸು ತುಫಾನನೆ ಶಾಂತ ಕರಲ

22 ಯಕ್ಕ ದಿನ್ನ ಯೆಸು ತಿನಾ ಶಿಷ್ಯಾವೊನಾ ಕ್ಹಾತೆ ಹಡ್ಗೊ ಚ಼ಡಿನ "ಅಪೆ ಸಮುಂದರನಿ ಬಿಜಿ ದಂಡಿಯೆ ಗೈಯೆ "ಕೈನ ಕದ್ಯೊ. ಕತಾಮಾ ತ್ಯುನೆ ಹಡ್ಗೊ ಚ಼ಡಿನ ಗಯಾ. 23 ತ್ಯುನೆ ಸಮುಂದರಪರತಾ ಜಾ಼ತಾಮಾ ಯೆಸುನೆ ನಿಂದರ ಲಾಗಿತಿ. ತೆಕ್ಲಾಮಾಜ಼಼ ಜೊ಼ರ ವಾರೊ ಸಮುಂದರಪರ ಚು಼ಟ್ಯು. ಹಡಗಾಮಾ ಪಾನಿ ಭರಾನು ಚಾಲು ಥಯು. ತಿಮ್ಮ ಥಯಲ ಹುತಿ ತ್ಯುನೆ ಭುಚಿ಼ಕಿನ ತ್ರಾಸಮಾ ಪಡ್ಯಾ.

24 ತಿಮ್ಮ ಥಾತಾಮಾ ಯೆಸುನಾ ಶಿಷ್ಯಾ ತ್ಯುನೆ ತಿಕನ ಐನ "ಗುರು! ಗುರು! ಅಪೆ ಡುಬಿ ಚಾ಼ಲ್ಯಾಸ" ಕೈನ ತಿನೆ ಉಟಾಡ್ಯಾ, ಯೆಸು ತೆಳಾಮಾ ಉಟಿನ ವಾರಾನೆ ಪಾನಿನಾ ಧಡಕಿಯೊನೆ ಭುಚ್ಕಾಡ್ಯೊ, ತೆ ಕ್ಹಾರು ಶಾಂತ ಥಯು. 25 ತೆಳಾಮಾ ಯೆಸು"ತುಮಾರೊ ಬರೊಕ್ಹೊ ಕಿಜಾ಼ ಛೆ? ಕೈನ ತ್ಯುನೊನೆ ಪುಚ್ಯೊ.

ತೆಳಾಮಾ ಕ್ಹಾರಾ ಶಿಷ್ಯಾ ಭುಚ್ಕಿನ ಘಾಬ್ರಾಥಯಾ"ಎ ಕುನ್ನ ವಸ? ಪಾನಿನೆ ವಾರಾನೆ ಅಪ್ಪಣೆ ದಿವಸ, ಎ ಕ್ಹಾರು ಯೆಸು ಕದಲ ತಿಮ್ಮಜ಼ ಐಕಸ್ತೊ"ತ್ಯುನೊಮಾ ತ್ಯುನೊಮಾಜ಼ ಬೊಲ್ಲಿನ ಘನ್ನಾ ಘಾಬ್ರಾ ಥಯಾ;

ಕೆಟ್ಟ ಆತ್ಮಾವೊ ರ‍್ಹಯಲ ಮನಕ್ಹನೆ ಯೆಸು ಅರಾಮ ಕರಲ

26 ಯೆಸು ತಿನಾ ಶಿಷ್ಯಾ ಗಲಿಲಾಯತಾ ಸಮುಂದರ ದಾಟಿನ ಗೆರೆಸಿನೆರ ಕವಾನಾ ಗಾಮೆ ಆಯಾ.