Marcos 8

ಯೆಸು ಕುಡ್ಡಾನೆ ಡೊಳಾ ದಿದಲ

22 ವರಿ ತ್ಯುನೆ ಬೆತ್ಸಾಯಿ ಗಾಮೆ ಆಯಾ. ತ್ಯಾ ಮನಕ್ಹೊ ಯಕ್ಕ ಕುಡ್ಡಾನೆ ಯೆಸುಕನ ಬಲೈ ಲೈನ ಅನೆ ಮುಟ್ಟ ಕೈನ ತಿಕನ ಮಾಂಗಿಲಿದ್ಯಾ. 23 ಯೆಸು ತೆ ಕುಡ್ಡಾನೊ ಹತ್ತ ಧರಿನ ಗಾಮ್ನಾ ಭಾರೊ ನಿಂಗೈನ ತಿನಾ ಡೊಳಾಪರ ಥುಕ್ಕಕಿನ ತಿಪರ ಹತ್ತ ಮ್ಹೆಲಿನ-ತುನೆ ಸುಬಿ ದಿಕ್ಹಾಡ್ಯುಸು? ಕೈನ ತಿನೆ ಪುಚ್ಯೊ.

24 ತೆ ಮಾತು ಉಚೈನ ದೆಕಿನ ಮನೆ ಮನಕ್ಹೊ ದಿಕ್ಹಾಡ್ಯಾಸ; ತ್ಯುನೆ ಝಾಡೊ ನಿಂಗತ ದಿಕ್ಹ್ಯಾತಬಿ ಫರವಾಡ್ಯಾಸ ಕದ್ಯೊ.

25 ತೆಳಾಮಾ ಯೆಸು ತಿನಾ ಡೊಳಾಪರ ಫರಿನ ಹತ್ತ ಮ್ಹೆಲ್ತಾಮಾ ;ತೆ ಡೊಳಾ ಖೊಲಿನ ದೆಕ್ತಾಮಾ ತೆ ಅರಾಮ ಥಯೊತೊ. ಕ್ಹಾರು ಚೊ಼ಕಿ ತರಾ ದಿಕ್ಹಾಡ್ಯುತು 26 ತೆಳಾಮ ಯೆಸು ತಿನೆ ತು ಎ ಗಾಮ್ನಾ ಮ್ಹೈ ಜಾ಼ವುನಕೊ ಕೈನ ತೆ ತಿನಾ ಘರೆ ಮೊಕ್ಕಲಿಪಾಡ್ಯೊ.