ಮತ್ತಾಯ 24

45 ಕದ್ಯಾಮ ಮಾಲಕ ತಿನಾ ಘರವಾಲಾವೊನೆ ಟೈಮ ಟೈಮೆ ಅನ್ನ ದಿವಾನೆ ತೆ ಬರೊಕ್ಹಾವಾಲಾ ನಿಂಗತ, ಗ್ಯಾನಿ ಥಯಲ ಆಳ ಕುನ್ನ ವ್ಹೈ? 46 ಮಾಲಕ ಆವಾನಾ ವಕ್ಹತಮಾ ಕಯೊ ಆಳ ಇಮ್ಮ ಕರಾನು ದೆಕ್ಯೊಮ ತೆ ಆಳ ಧನ್ಯ ವ್ಹೈ. 47 ತೆವಾನೆ ತೆ ತಿನಿ ಕ್ಹಾರಿ ಆಸ್ತಿನೆ ಮ್ಯಾನೆಜರ ಕರಿನ ಮ್ಹೆಲಸ ಕೈನ ತುಮೊನೆ ಕ್ಹರಿಮಾಜ಼ ಕೌಸ. 48 ತೆನೈಸೊ ತೆ ಕೆಟ್ಟ ಆಳ, ಮಾರೊ ಮಾಲಕ ಆವಾನೆ ತಡಾ ಕರಸ, ಕೈನ ತಿನಾ ಮನಸ್ಮಾ ಕೈಲಿನ 49 ತಿನಾ ಆಳೊನೆ ಮಾರತೊ, ವರಿ ಪಿದೊಡಾವೊನಾ ಕ್ಹಾತೆ ಮಳಿನ ಪಿವಾನು ಶುರು ಕರ‍್ಯೊಮ, 50 ತೆ ವಿಚಾರ ನೈ ಕರಲ ದಿನೊಮಾ, ವಕ್ಹತ ಗ್ವತ್ತ ನೈ ರ‍್ಹಯಲ ತ ಟೈಮಮಾ ತೆ ಆಳನೊ ಮಾಲಕ ಐನ ತಿನೆ ಘನ್ನಿ ಮ್ಹೊಟಿ ಶಿಕ್ಷಾ ದಿನ 51 ಕಪಟಿಯೊನೆ ನೈಸೊ ಥಾವಾನಿ ಗತಿ ತಿನೆ ತೆ ಕರಸ. ತ್ಯಾ ರವಾನು ಕಟ್ಟ ಕಟ್ಟ ದಾತೊ ಖಾವಾನು ರ‍್ಹವಸ.