14 ತೆಳಾಮಾ ತ್ಯುನೆ ವರಿ ಘನ್ನಿಯೊ ರ್ವಯ್ಯೊ. ತೆಳಾಮಾ ಒರ್ಫ ಫೈನೆ ಮಟ್ಟಿಲಿನ ಗೈ, ರುತತೊ ಫೈನೆ ಛೊಡಿನೆ ಗೈನೈ. 15 ತೆಳಾಮಾ ನೊವೊಮಿ ರುತನೆ ದೆಕ ತಾರಿ ದೆರಾಣಿ ಫರಿನ ತ್ಯುನಾ ಮನಕ್ಹೊಕನ ವರಿ ತ್ಯುನಾ ದಿವಸ್ತಾನೊಕನ ಜಾ಼ವಸ. ತುಬಿ ತಿನಾನಿಂಗತಜ಼ ತುಮಾರಾ ಮನಕ್ಹೊಕನ ಜಾ಼ ಕದಿ.
16 ತೆಳಾಮಾ ರುತ ತುನೆ ಛೊಡಿನ ಜೌ಼ ಕೈನ ಮನೆ ಜಬರದಸ್ತಿ ಕರು ನಕೊ. ತು ಕಿಜ್ಗಾ ಗೈತಬಿ ಮಿ ತ್ಯಾ ಔಸ ತು ರ‍್ಹಯಲ ಜ಼ಗಾ ಮಿಬಿ ರ‍್ಹೌಸ; ತಾರಾ ಮನಕ್ಹೊಜ಼ ಮಾರಾ ಮನಕ್ಹೊ ವ್ಹೈ; ತಾರೊ ಕ್ಹುದಾ ಮಾರೊ ಕ್ಹುದಾ ವ್ಹೈ. 17 ತು ಮರಾನಿ ಜ಼ಗಾ ಮಿಬಿ ತ್ಯಾಜ ಮರುಸ. ತ್ಯಾಜ಼ ಮಾರಿ ಮಜಾ಼ರ ಥೌ. ಮೌತಕ್ಹು ತುಕ್ಹು ದುರ ಥೈಮ ಯಹೊವಾ ಮನೆ ಕೆಕ್ಲಿಬಿ ಶಿಕ್ಷಾ ದಿವಾದೆ.