سَمُوٍلِ ٢ 19

دَوُدَ وَقٍ عَبِسَلٌمِ شَ قٍ رَ

1 نَ كُي مَنفّ نَشَ سُننُن كِ قَنيِ. عَ نَشَ تٍ عَ شَ كٌنكٌي كُي تَا نَادّ شُن مَ، عَ وَ مَ. عَ نُ عَ قَلَ عَ يّتّ مَ، «ﭑ مَ دِ عَبِسَلٌمِ، ﭑ مَ دِ عَبِسَلٌمِ، عَ نُ قِسَ ﭑ تَن شَ قَشَ عِ حْشْي رَ. عَبِسَلٌمِ، ﭑ مَ دِ. عٍٍ، ﭑ مَ دِ!»

2 عٍ نَشَ نَ دّنتّفّ يٌوَبَ بّ، عٍ نَشّ، «مَنفّ نَ وَقٍ سُننُنيِ كُي عَبِسَلٌمِ شَ قٍ رَ.» 3 عٍ فٍرٍ نَشَن فٍينِشِ نَ لْشْي، نَ نَشَ قِندِ سُننُنيِ رَ بْشِ بِرِن بّ، بَرِ مَ حَمَ نُ بَرَ عَ مّ عَ مَنفّ تْورْشِ عَ شَ دِ عَبِسَلٌمِ شَ قَشّ شَ قٍ رَ. 4 سْورِيٍ نَشَ سٌ تَا كُي، عٍ شُن سِنشِ عَلْ عٍ نَ عٍ فِ فٍرٍ مَ يَافِ كُي.

5 مَنفّ نَشَ عَ يَتَفِ مَكٌتٌ، عَ نُ قَ فبٍلٍفبٍلٍ عَ شُي عِتٍشِ رَ، «ﭑ مَ دِ عَبِسَلٌمِ! ﭑ مَ دِ عَبِسَلٌمِ! ﭑ مَ دِ!» 6 يٌوَبَ نَشَ سٌ مَنفّ يِرٍ، عَ عَ قَلَ ءَ بّ، «تٌ عِ بَرَ عِ شَ سْورِيٍ رَيَافِ، نَشٍيٍ عِ نِي رَتَنفَشِ، عَ نُن عِ شَ دِيٍ، عِ شَ فِنّيٍ، نُن عِ شَ كٌنيِ فِنّيٍ. 7 عِ مِشِيٍ شَنُمَ، نَشٍيٍ عِ شْنشِ، عِ مِشِيٍ شْنمَ، نَشٍيٍ عِ شَنُشِ. تٌ عِ بَرَ عَ مَسٍن عَ عِ شَ سْورِيٍ نُن عٍ شَ يَرٍرَتِيٍ تِدٍ يٌ مُ نَ عِ بّ. شَ مُشُ بِرِن سَ قَشَ نُ قٌ عَبِسَلٌمِ، نَ نَن نَقَنمَ عِ مَ نُ. 8 عِ نَشَن نَبَمَ، كٍلِ، عِ شَ وْيّن قَنيِ قَلَ عِ شَ سْورِيٍ بّ. شَ نَ مُ عَ رَ، ﭑ بَرَ ﭑ كَلِ عَلَتَلَ رَ، بٍينُ كْي شَ سٌ عِ شَ شّمّ بِرِن كٍلِمَ نّ عِ شُن مَ تٌ. نَ قٍ شْرْشْمَ عِ شَ تْورّ بِرِن بّ عِ نَشَن كٌلٌن كَبِ عِ بَرِ تّمُي.» 9 نَ تّمُي مَنفّ نَشَ مِنِ، عَ عَ مَفٌرٌ تَا نَادّ رَ. حَمَ تٌ نَ كٌلٌن، عٍ نَشَ سِفَ عَ يِرٍ.

عِسِرَيِلَكَ نَشٍيٍ نُ بِرَشِ عَبِسَلٌمِ قْشْ رَ، نٍيٍ نُ بَرَ عٍ فِ نَ تّمُي عٍ سِفَ عٍ شْنيِ. 10 نَ بْنسْي بِرِن نُ عَ قَلَمَ، «مَنفّ دَوُدَ بَرَ وٌن بَ وٌن يَشُييٍ بّلّشّ عِ، عَ تَن نَن وٌن بَشِ قِلِسِتَكَيٍ يِ رَ، كْنْ عَ عَ فِشِ نّ عَبِسَلٌمِ تَن يَ رَ. 11 يَكْسِ، عَبِسَلٌمِ، وٌن نَشَن قِندِ مَنفّ رَ، نَ بَرَ قَشَ فٍرٍ كُي. وٌن مُنسٍ مَمّقٍ، وٌن مُ سَ مَنفّ رَفبِلٍنمَ؟»

12 مَنفّ دَوُدَ تَن نَشَ عَ قَلَ سّرّشّدُبّ سَدْكِ نُن عَبِيَتَرِ بّ، «وٌ عَ قَلَ يُدَ قٌرِيٍ بّ، ‹مُنقٍ رَ وٌ مُ يَرٍرَتِ وَلِ رَبَمَ مَنفّ رَفبِلٍنقٍ رَ عَ شْنيِ؟ مَنفّ حَن بَرَ عِسِرَيِلَ وَشْنقٍ مّ. 13 ﭑ نفَشَكٍرٍنيِ نَن وٌ رَ، وٌن وُلِ كٍرٍن، قَسّ كٍرٍن. مُنقٍ رَ وٌ نَ بُقٍ مَنفّ رَفبِلٍنقٍ رَ؟› 14 وٌ شَ عَ قَلَ عَمَسَ قَن بّ، ‹وٌن وُلِ كٍرٍن، قَسّ كٍرٍن شَ مُ عَ رَ؟ ﭑ بَرَ ﭑ كَلِ عَلَ رَ، ﭑ عِ تِمَ نّ ﭑ مَ سْورِيٍ شَ مَنفّ رَ يٌوَبَ حْشْي رَ كُدّءِ.›» 15 نَ كُي دَوُدَ نَشَ عَ نِيَ يُدَكَيٍ بِرِن شَ لَن عَ فبِلٍنقٍ مَ. عٍ نَشَ شّيرَ شّي مَنفّ مَ، عَ شَ فبِلٍن، عَ تَن نُن عَ شَ مِشِ بِرِن.

16 مَنفّ نَشَ فبِلٍن قْلْ، عَ قَ يُرُدّن شُرٍ لِ. يُدَيَكَيٍ نَشَ سِفَ فِلِفَلِ، عٍ شَ عَ رَ سّنّ. 17 فٍرَ شَ دِ سِمٍيِ، نَشَن كٍلِشِ بُنيَمِن بْنسْي، نَشَن نُ دَوُدَ دَنكَشِ بَشُرِ مِ، عَ قَن نَشَ سِفَ مَنفّ دَوُدَ رَلَندٍ. يُدَيَكَيٍ نُن 18 بُنيَمِنكَ سْورِ مِشِ وُلُ كٍرٍن نَن نُ نَ عَ قْشْ رَ.

سِبَ، نَشَن نُ بَرَ وَلِ سْلُ شَ دٍنبَيَ بّ، عَ تَن نُن عَ شَ دِ قُ نُن سُولِ، عَ نُن عَ شَ كٌنيِ مْشْحّن، عٍ قَن نَشَ سِفَ يُرُدّن شُرٍ مَنفّ رَلَندٍ. 19 مِشِيٍ نُ نَ مَنفّ شَ حَمَ مَلِقٍ شُرٍ عِفِرِدٍ تّمُي نَشّ، فٍرَ شَ دِ سِمٍيِ نَشَ بِرَ مَنفّ بُن مَ، 20 عَ عَ مَيَندِ، «ﭑ مَرِفِ، عِ نَشَ شْنّ رَفَتَ عِ بْحّ كُي ﭑ بّ. عِ نَشَ عِ فبٍ حْشْ ﭑ مَ قٍ حَاشِ رَ، ﭑ نَشَن نَبَشِ عِ رَ عِ مِنِ لْشْي. 21 ﭑ مَرِفِ، ﭑ بَرَ ﭑ مَ يُنُبِ كٌلٌن. نَ كُي، تٌ، ﭑ سِنفٍ نَن قَشِ عِ رَ سّنّدٍ يُسُقُ شَ مِشِيٍ يَ مَ.»

22 نَ تّمُي سٍرُيَ شَ دِ عَبِسَيِ نَشَ عَ قَلَ دَوُدَ بّ، «عَ مُ لَنمَ شّ سِمٍيِ شَ قَشَ، بَرِ مَ عَ بَرَ مَنفّ دَنكَ، عَلَتَلَ نَشَن سُفَندِشِ؟» 23 دَوُدَ نَشَ عَ يَابِ، «سٍرُيَ شَ دِيٍ، مُنسٍ نَ وٌن تَفِ؟ وٌ وَ مَ قِندِقٍ ﭑ يَشُييٍ نَن نَ تٌ؟ عَ لَنمَ مِشِ ندٍ شَ قَشَ تٌ عِسِرَيِلَ بْشِ مَ؟ ﭑ حَن عَ كٌلٌن ﭑ بَرَ فّ مَنفّيَ سْتْدٍ تٌ.» 24 مَنفّ نَشَ عَ قَلَ سِمٍيِ بّ، «ﭑ تَن عِسِرَيِلَ مَنفّ، ﭑ بَرَ ﭑ كَلِ، ﭑ مُ عِ قَشَمَ.»

25 سْلُ شَ دِ مٍقِبٌسٍتِ قَن نَشَ سِفَ مَنفّ رَلَندٍ. كَبِ مَنفّ دَوُدَ كٍلِ لْشْي دَرِ سَلَمُ، عَ مُ عَ سَنيِيٍ مَشَ، عَ مُ عَ شَ دُفِيٍ شَ، عَ مُ عَ دّ شَبٍ يَءِلَن. عَ نُ مَمّ تِقٍ نّ مَنفّ شَ فبِلٍن بْحّسَ كُي. 26 عَ تٌ قَ مَنفّ رَلَندٍ دَرِ سَلَمُ، مَنفّ نَشَ عَ مَشْرِن، «مٍقِبٌسٍتِ، ﭑ تٌ كٍلِ دَرِ سَلَمُ، مُنقٍ رَ عِ مُ بِرَ ﭑ قْشْ رَ نُ؟» 27 عَ نَشَ عَ يَابِ، «ﭑ مَ مَنفّ، ﭑ تَن مُ عَ رَ. نَ لْشْي ﭑ مَ كٌنيِ نَن ﭑ مَدَشُ. ﭑ عَ قَلَ نّ عَ بّ عَ شَ ﭑ بَكِ ﭑ مَ سٌقَلٍ قَرِ سِفَقٍ رَ مَنفّ قْشْ رَ. ﭑ نُ عَ رَبَمَ نَ كِ نّ، بَرِ مَ ﭑ سَنيِيٍ مُ قَن. 28 كْنْ ﭑ مَ كٌنيِ نَشَ سِفَ ﭑ شُن مَقَلَدٍ عِ شْن. يَكْسِ، عِ تَن نَشَن لُشِ عَلْ عَلَتَلَ شَ مَلٍكّ، عِ سَفٌي شَ رَبَ. 29 عَ سّرِيّ كِ مَ عَ نُ لَنمَ عِ شَ ﭑ بَبَ بْنسْي بِرِن قَشَ عٍ شَ قٍ كٌبِ شَ قٍ رَ عِ تَن مَبِرِ، كْنْ عِ بَرَ تِن ﭑ شَ لُ عِ شَ دٍنبَيَ يَ مَ، وٌن بِرِن شَ وٌن دّفّ يِرٍ كٍرٍن. نَ كُي ﭑ مُ نْمَ عِ مَشَندِدٍ قٍقٍ رَ قَ.»

30 مَنفّ نَشَ عَ قَلَ عَ بّ، «عِ نَشَ وْيّنيِ يٌ سَ نَ قَرِ. ﭑ بَرَ نَتّ تٌنفٌ سِبَ شَ بْشِيٍ شَ عِتَشُن.» 31 مٍقِبٌسٍتِ نَشَ عَ يَابِ، «ﭑ تَن بّ عَ نْمَ عَ بِرِن تٌنفٌدٍ. ﭑ حّلّشِنشِ بَرِ مَ عِ تَن مَنفّ بَرَ سٌ تٌ عِ كّندّشِ رَ.»

32 بَرَ سِلَيِ فَلَدِكَ نُ بَرَ مَنفّ مَتِ هَن يُرُدّن شُرٍ كٍلِ رٌفٍلِمِ. عٍ تٌ شُرٍ عِفِرِ، عَ نَشَ عَ حُنفُ مَنفّ مَ. 33 بَرَ سِلَيِ شَ سِمَيَ نُ بَرَ حّ تٌنفٌ سٌلٌمَسَشَن لِ. عَ نُ بَرَ مّينِ مَنفّ مَ عَ تٌ سِفَ مَشَنَيِمِ كٍلِقٍ دَرِ سَلَمُ. كُنتِفِ بٍلٍبٍلٍ نَن نُ عَ رَ. 34 مَنفّ نَشَ عَ قَلَ بَرَ سِلَيِ بّ، «عِ شَ لُ ﭑ قّ مَ دَرِ سَلَمُ. ﭑ نَن حْشْ سَمَ نّ عِ شْن مَ عَ قَنيِ رَ.»

35 بَرَ سِلَيِ نَشَ مَنفّ يَابِ، «عَ لَنمَ ﭑ شَ تٍ دَرِ سَلَمُ؟ حّ يٍرِ لُشِ ﭑ مَ سِمَيَ رَ قَ؟ 36 ﭑ بَرَ حّ تٌنفٌ سٌلٌمَسَشَن سْتْ، ﭑ بَرَ تَفَن سْنْن. هَلِ دٌنسٍ نُن مِنسٍ قَنيِ، ﭑ دّ مُ نْمَ نَ كٌلٌندٍ. ﭑ تُلِ مُ نْمَ سِفِ شُي مّدٍ. عَ مُ لَنمَ ﭑ شَ قِندِ كٌتٍ تُن نَ ﭑ مَ مَنفّ بّ. 37 ﭑ مَن عِ مَتِمَ نّ دٌندٌرٌنتِ، كْنْ عِ وَ مَ يِ هّيرِ مْولِ قِقٍ ﭑ مَ مُنقٍ رَ؟ 38 يَندِ، عِ شَ دِحّ ﭑ تَن عِ شَ كٌنيِ شَ فبِلٍن ﭑ بَرِدٍ، ﭑ شَ سَ قَشَ مّننِ، ﭑ نفَ نُن ﭑ بَبَ شَ فَبُرِ نَ دّننَشّ. كْنْ عِ نَشَن نَبَمَ ﭑ بّ، عِ شَ كِمٍهَمِ شَنِن عِ شُن مَ، عِ شَ عَ مَلِ عَلْ عِ وَ مَ عَ شْن مَ كِ نَشّ.» 39 مَنفّ نَشَ عَ قَلَ، «عَوَ، ﭑ شَ كِمٍهَمِ شَنِن ﭑ شُن مَ، ﭑ شَ عِ وَشْنقٍ بِرِن نَبَ عَ بّ.» 40 حَمَ بِرِن تٌ يُرُدّن شُرٍ فِرِ، مَنفّ نَشَ بَرَ سِلَيِ سُنبُ، عَ دُبَ عَ بّ. نَ تّمُي بَرَ سِلَيِ نَشَ فبِلٍن عَ شْنيِ، 41 مَنفّ نَشَ سِفَ فِلِفَلِ، عَ نُن كِمٍهَمِ.

يُدَ حَمَ نُن عِسِرَيِلَ حَمَ سّيتِ كٍرٍن نَن مَنفّ مَلِ يُرُدّن عِفِرِدٍ. 42 كْنْ عِسِرَيِلَ شّمّيٍ نَشَ عٍ مَوَ مَنفّ شْن، عَ قَلَقٍ رَ، «مُشُ نفَشَكٍرٍنيِ يُدَيَكَيٍ عِ بَشِ مُشُ يِ رَ مُنقٍ رَ؟ عٍ تَن عِ شَ حَمَ مَتِشِ مُنقٍ رَ كٍلِقٍ رَ يُرُدّن شُرٍ هَن عِ شْنيِ؟» 43 يُدَيَ شّمّيٍ نَشَ عِسِرَيِلَكَيٍ يَابِ، عٍ نَشّ، «مَنفّ كٍلِشِ مُشُ بْنسْي نّ. عَ مُ لَنمَ وٌ شَ شْنْ نَ قٍ مَ. مُشُ بَرَ مَنفّ مَكُلَ دٌنسٍ رَ؟ عَ بَرَ مُشُ بُحَ؟» 44 عِسِرَيِلَكَيٍ نَشَ عَ قَلَ عٍ بّ، «مُشُ تٌ قِندِشِ بْنسْي قُ رَ، مُشُ تِدٍ فبٌ وٌ بّ مَنفّ مَبِرِ، عَ فبٍنفبٍنيِ يِ مَنفّ دَوُدَ. وٌ وَ مَ مُشُ شُرُنقٍ مُنقٍ رَ؟ مُشُ تَن شَ سِنفٍ مُ مَنفّ فبِلٍنقٍ قَلَ؟» كْنْ يُدَيَكَيٍ نَشَ شْرْشْ دَنفِ عِسِرَيِلَكَيٍ رَ.