1 وٌ وٌ تُلِ مَتِ يِ مَسٍنيِ رَ.

ﭑ بَرَ يِ بّيتِ بَ عِسِرَيِلَ بْنسْي حْن قٍ مَ.

2 «عِسِرَيِلَ سّنِيّنتْي بَرَ قَشَ، عَ مُ كٍلِمَ سْنْن،

عَ بَرَ بِرَ، مِشِ يٌ مُ عَ رَكٍلِمَ.»

3 مَرِفِ عَلَتَلَ نَشَ عَ مَسٍن،

«عِسِرَيِلَ بْنسْي،

تَا نَشَن شّمّ وُلُ كٍرٍن شّيمَ فٍرٍ سٌدٍ،

عَ شّمّ كّمّ نَن فبَنسَن تٌمَ فبِلٍن نَ.

تَا نَشَن شّمّ كّمّ شّيمَ فٍرٍ سٌدٍ،

عَ شّمّ قُ نَن فبَنسَن تٌمَ فبِلٍن نَ.»

4 عَلَتَلَ نَشَ عَ مَسٍن عِسِرَيِلَ بْنسْي بّ،

«وٌ قَ ﭑ قٍن عَلَكٌ وٌ شَ كِسِ.

5 وٌ نَشَ ﭑ قٍن بٍتٍلِ،

وٌ نَشَ سِفَ فِلِفَلِ،

شَ نَ مُ عَ رَ بٍرِ سٍيبَ،

بَرِ مَ فِلِفَلِكَ بِرِن سِفَمَ نّ كٌنيِيَ كُي،

بٍتٍلِ قَن هَلَكِمَ نّ.»

6 وٌ عَلَتَلَ قٍن عَلَكٌ وٌ شَ كِسِ.

شَ نَ مُ عَ رَ، يُسُقُ بْنسْي،

عَلَتَلَ وٌ سْنتْمَ نّ تّ رَ.

بٍتٍلِكَ يٌ مُ نَ نَشَن نَ تّ رَشُبٍنمَ.

7 وٌ تَن بَرَ تِنشِنيِ مَقِندِ ﭑ نَشْنقٍ رَ،

وٌ بَرَ يٌ سّرِيّ مَ.

8 عَلَتَلَ نَن تُنبُييٍ سَ كٌورٍ مَ،

عَ دِ مِ عِيَلَن سُبَشّ مَ،

عَ سٌفٍ رَدُلَ، كْي شَ سٌ،

عَ يٍ تٌنفٌ بَا مَ،

عَ نَ قِندِ تُنّ رَ، عَ فٌرٌ بْشِ مَ.

نَشَن نَ بِرِن نَبَمَ، عَ شِلِ نّ عَلَتَلَ.

9 عَلَتَلَ مِشِ شُنفبٍيٍ هَلَكِمَ نّ،

عَ عٍ شَ يِرٍ مَكَنتَشِيٍ كَنَ.

10 عٍ مِشِ شْنمَ نَشَن كِيتِ سَمَ سّرِيّ رَ،

نْندِ قَلّ مُ رَقَن عٍ مَ.

11 وٌ مِسِكِينّ تْورْ مَ،

وٌ بَلٌي بَمَ عٍ يِ رَ دُوتِ رَ.

وٌ بَرَ بَنشِ تٌقَنيِيٍ تِ فّمّيٍ رَ،

كْنْ وٌ مُ قَمَ سَبَتِدٍ نٍيٍ كُي.

وٌ بَرَ وّنِ سَنسِ قَنيِيٍ سِ،

كْنْ وٌ مُ قَمَ نَ وّنِ مِندٍ.

12 ﭑ عَ كٌلٌن وٌ شَ هَاكّ نُن وٌ شَ يُنُبِ فبٌ.

وٌ تِنشِنتْي تْورْ مَ،

وٌ سّرِيّ بّحِنمَ كْبِرِ شَ قٍ رَ،

وٌ مُ سٍتَرٍيٍ مَكِيتِمَ نْندِ رَ.

13 نَ نَن عَ تٌشِ شَشِلِمَ دُندُ مَ،

بَرِ مَ يِ وَشَتِ مُ قَن.

14 وٌ قٍ قَنيِ قٍن، وٌ وٌ يِ بَ قٍ حَاشِ رَ،

عَلَكٌ وٌ شَ كِسِ، مَنفّ عَلَتَلَ شَ لُ وٌ سّيتِ مَ،

عَلْ وٌ عَ قَلَمَ كِ نَشّ.

15 وٌ شَ قٍ حَاشِ شْن.

قٍ قَنيِ شَ رَقَن وٌ مَ.

وٌ شَ كِيتِ شَ تِنشِن.

شَ وٌ نَ رَبَ، تّمُندٍ،

مَنفّ عَلَتَلَ كِنِكِنِمَ نّ وٌ تَن يُسُقُ بْنسْي دْنشْييٍ مَ.

16 نَ نَن عَ تٌشِ وٌن مَرِفِ عَلَتَلَ،

دُنِحَ دَا مَنفّ نَشَ عَ مَسٍن،

«عٍ عٍ وَ شُي عِتٍمَ نّ تَا كُي،

عٍ عٍ وَ شُي عِتٍمَ نّ كِرَ شْن مَ.

عٍ شّ سَ شِلِمَ نّ عٍ شَ عٍ وَ شُي عِتٍ حْن قٍ مَ،

عٍ بّيتِبَيٍ شِلِمَ نّ عٍ شَ قَشّ بّيتِ بَ.

17 ﭑ نّ دَنفِمَ شّ رَ تّمُي نَشّ،

ﭑ وَ شُي نَن تُن مّمَ.»

عَلَتَلَ شَ مَسٍنيِ نَن نَ كِ.

18 حَشَنكَتّ نَ مِشِ بّ

نَشَن وَ مَ عَلَتَلَ شَ كِيتِ لْشْي شَ قَ.

وٌ وَ مَ مُنسٍ شْن مَ نَ لْشْي؟

نَ قِندِ مَ دِ مِ نَن نَ وٌ بّ،

نَ مُ قِندِ مَ نَءِيَلَنيِ شَ رَ.

19 نَ لُمَ نّ عَلْ مِشِ نَشَن عَ فِمَ يّتّ يَ رَ،

عَ قَ سْحّ لِ.

عَ نَ سٌ بَنشِ كُي، عَ عَ كِلْن بَنشِ رَ،

بْشِمَسٍ قَ عَ شِن.

20 عَلَتَلَ شَ كِيتِ لْشْي مُ قِندِشِ دِ مِ شَ رَ؟

نَءِيَلَنيِ يٌ مُ نَ وٌ بّ نَ لْشْي.

21 «ﭑ بَرَ وٌ شَ سَلِ شْن،

عٍ مُ رَقَن ﭑ مَ قٍقٍ مَ.

ﭑ مُ وَ مَ عٍ شْن قٍوٌ.

22 وٌ شَ سّرّشّ فَن دَاشِ يٌ،

وٌ شَ قَرِلّ سّرّشّ يٌ،

وٌ شَ شَنُنتٍيَ سّرّشّ يٌ،

عٍ سٍسٍ مُ رَقَن ﭑ مَ.

ﭑ مُ تِنمَ عٍ رَ سُشُدٍ، هَلِ كٍرٍن.

23 وٌ بّيتِ شُي مَكُيَ ﭑ نَ.

ﭑ مُ وَ مَ وٌ شَ كْرَ بّيتِ شُي رَ مّقٍ.

24 ﭑ وَ مَ نَشَن شْن،

تِنشِنتْييٍ شَ فبٌ وٌ يَ مَ عَلْ يٍ نَشَن نَ بَا مَ.

وٌ شَ قٍ قَنيِ شَ لُ عَلْ شُرٍ نَشَن مُ شْرِ مَ.

25 وٌ تٌ نُ نَ فبٍنفبٍرٍن يِرٍ حّ تٌنفٌ نَانِ بُن مَ،

وٌ سّرّشّيٍ بَ نّ؟ عَدٍ.

26 وٌ كُيٍ مَشَنِن نّ،

عَلْ وٌ شَ مَنفّ عَلَ، نَشَن شِلِ سِكٌتِ،

شَ نَ مُ عَ رَ وٌ شَ تُنبُي عَلَ، نَشَن شِلِ كِيُن،

وٌ نَشٍيٍ يَءِلَنشِ وٌ يّتّ رَ؟ عَدٍ.

27 ﭑ قَمَ نّ وٌ شَنِندٍ كٌنيِيَ كُي دَ مَسِ شَنبِ رَ.»

مَنفّ عَلَتَلَ شَ مَسٍنيِ نَن نَ كِ.