وَشَيِ 14

يّشّييْرّ نُن عَ شَ مِشِ رَكِسِشِيٍ

1 ﭑ تٌ ﭑ يَ رَفٍ، ﭑ نَشَ يّشّييْرّ تٌ عَ تِشِ سِيٌنِ فٍيَ قَرِ. مِشِ وُلُ كّمّ وُلُ تٌنفٌ نَانِ نُن نَانِ نُ نَ عَ سّيتِ مَ، يّشّييْرّ شِلِ نُن عَ بَبَ شِلِ سّبّشِ عٍ تِفِيٍ مَ. 2 ﭑ نَشَ شُي ندٍ مّ كٌورٍ مَ، عَلْ شُرٍ شُنفبٍ، شَ نَ مُ عَ رَ عَلْ فَلَنيِ. عَ نُ لُشِ نّ عَلْ مِشِيٍ نَن نُ كْرَ بْنبْقٍ. 3 عٍ نُ نَ بّيتِ نّينّ بَقٍ مَنفّ كِبَنيِ يَ عِ، عَ نُن نَ نِمَسٍ نَانِ نُن نَ قٌرِيٍ. مِشِ يٌ مُ نُ نْمَ نَ بّيتِ مَتِنكَندٍ، قٌ نَ دُنِحَ مِشِ وُلُ كّمّ وُلُ تٌنفٌ نَانِ نُن نَانِ نَشٍيٍ شُن نُ بَرَ سَرَ. 4 عٍ مُ نُ يّنّ رَبَشِ فِنّ رَ، عٍ نُ سّنِيّن. عٍ بِرَ مَ نَ يّشّييْرّ قْشْ رَ يِرٍ بِرِن. عٍ شُن نُ بَرَ سَرَ مِشِيٍ تَفِ، عَلَكٌ عٍ شَ قِندِ عَلَ فبٍ نُن يّشّييْرّ فبٍ رَ، عَلْ سّرّشّ سِنفٍ نَشَن بَمَ عَلَ بّ شّ شَبَ تّمُي. 5 عٍ دّ مُ نُ وُلٍ قَلَشِ، مَرَكْرْ سِ يٌ مُ نُ عٍ مَ.