18 مَرِفِ عَلَتَلَ نَشَ عَ قَلَ، «عَ مُ قَن شّمّ شَ لُ بٍ عَ كٍرٍن. ﭑ قَمَ مَلِمَ قَنيِ دَالِدٍ عَ بّ.»
19 بُورُنيِ سُبٍ بِرِن نُن شْنِ بِرِن مَرِفِ عَلَتَلَ نَشَن دَالِشِ بّندّ رَ، عَ نَشَ عٍ شَنِن عَدَ مَ شْن مَ عَ شَ عٍ شِلِ سَ. عَدَ مَ شِلِ نَشٍيٍ سَ عٍ شُن مَ، نٍيٍ نَشَ قِندِ عٍ شِلِيٍ رَ. 20 عَ نَشَ شُرُ سٍ بِرِن، شْنِ بِرِن، عَ نُن بُورُنيِ سُبٍ بِرِن شِلِ سَ.
كْنْ نَ وَشَتِ عَدَ مَ مُ عَ مَلِمَ قَنيِ سْتْشِ سِندٍن. 21 مَرِفِ عَلَتَلَ نَشَ شِ شْلِ رَدَنفِ عَ مَ. عَ نَشَ عَ رَشِ عَ قَنيِ رَ. عَ تٌ شِ، مَرِفِ عَلَتَلَ نَشَ عَ فَنيَنيِ شْرِ كٍرٍن بَ، عَ قَ مّننِ رَفَلِ. 22 نَ شَنبِ، مَرِفِ عَلَتَلَ نَشَ عَدَ مَ فَنيَنيِ شْرِ قِندِ فِنّ رَ، عَ قَ نَ فِنّ قِ عَدَ مَ مَ.
23 عَدَ مَ نَشَ عَ قَلَ، «يِ فِنّ قَتَنشِ ﭑ شْرِ نُن ﭑ سُبٍ نَن نَ. عَ شِلِ نّ ‹فِنّ›، بَرِ مَ عَ مِنِشِ شّمّ نّ عِ.» 24 نَ قٍ نَ عَ تٌشِ، شّمّ قَمَ نّ كٍلِدٍ عَ بَبَ نُن عَ نفَ شُن مَ، عَ مَسٌ عَ شَ فِنّ رَ، عٍ قِندِ كٍرٍن نَ.
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)