7 تّمُي ندٍ تٌ دَنفِ، يُسُقُ شَ مَنفّ شَ فِنّ يَ نَشَ سِن عَ عِ. عَ نَشَ عَ قَلَ عَ بّ، «قَ بٍ، وٌن شَ قَ كَقُ.» 8 يُسُقُ نَشَ تٌندِ، عَ قَ عَ قَلَ عَ شَ مَنفّ شَ فِنّ بّ، «كَقِ ﭑ نَشَ قَ ﭑ مَ مَنفّ شْنيِ عَ مُ عَ حّنفِ سَشِ قٍقٍ شْن مَ كْرّ عَ شَ بَنشِ كُي. عَ بَرَ عَ هَرِفٍ بِرِن تَشُ ﭑ نَ. 9 عَ شَ بَنشِ كُي بٍ، ﭑ تَن نَن دَنفِ مِشِ بِرِن نَ. عَ مُ سٍسٍ رَقِسَشِ ﭑ بّ، قٌ عِ كٍرٍن، بَ عِ تَن بَرَ قِندِ عَ شَ فِنّ رَ. يَكْسِ، ﭑ قٍ حَاشِ رَبَمَ مُنقٍ رَ نَشَن قِندِ يُنُبِ قٍ رَ عَلَ بّ؟»
10 كْنْ نَ فِنّ نَشَ بِرَ يُسُقُ شَ قٍ دَلِلِ قْشْ رَ. عَ نُ عَ مَكَتَمَ لْشْي بِرِن، كْنْ يُسُقُ نَشَ تٌندِ عٍ شَ كَقُ. 11 لْشْي ندٍ يُسُقُ نَشَ سٌ بَنشِ كُي عَ شَ وَلِ رَبَدٍ. كٌنيِ فبّتّ يٌ مُ نُ نَ بَنشِ كُي نَ تّمُي. 12 ثٌتِقَرِ شَ فِنّ نَشَ عَ سُشُ عَ شَ دٌنمَ مَ. عَ نُ قَ عَ قَلَ عَ بّ، «وٌن كَقُ!» فِنّ تٌ يُسُقُ شَ دٌنمَ سُشُ، يُسُقُ نَشَ مِنِ عَ شَ دٌنمَ كُي عَ عَ لُ فِنّ بّلّشّ، عَ مِنِ عَ فِ رَ تَندٍ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)