عَيُبَ 3

عَيُبَ شَ مَسٍنيِ

«عَيُبَ نِمِسَقٍ عَ شَ بَرِ رَ »

1 نَ بِرِن تٌ دَنفِ، عَيُبَ نَشَ عَ بَرِ لْشْي دَنكَ 2 يِ مَسٍنيِ رَ؛

3 «ﭑ بَرِ لْشْي شَ نّيمُ دُنِحَ رَ.

نَ كْي رَ عٍ نَشّ، ‹دِ شّمّ نَ عَ رَ.›

4 عَلَ شَ نَ لْشْي قِندِ دِ مِ رَ،

نَ لْشْي شَ نّيمُ عَ رَ،

عَ شَ تْنيِ دْشْ سٌفٍ يَنبَقٍ رَ نَ لْشْي كُي.

5 عَلَ شَ نَ لْشْي قِندِ دِ مِ رَ،

عَ شَ نُشُي عِقْورّ دُ سُ عَ شُن نَ،

عَ شَ لُ دِ مِ مَفَاشُشِ كُي.

6 عَلَ شَ نَ كْي عِقْورْ،

عَ شَ نَ بَ كْنتِ رَ حّ كُي،

عَ شَ نَ بَ كْنتِ رَ كِكٍ كُي.

7 عَلَ شَ نَ كْي كُمَ دِ رَ،

سّيوّ شُي يٌ نَشَ عِتٍ.

8 عَ شَ قِندِ دَنكّ تِ سٍ رَ مَندُرُلَيٍ بّ،

نَشٍيٍ نِنفِنَنفّ شِلِمَ.

9 نَ لْشْي سُبَشّ تُنبُييٍ نَشَ يَنبَ،

كُيٍ نَشَ عِبَ،

نَءِيَلَنيِ يٌ نَشَ مِنِ،

10 بَرِ مَ عَ مُ سٍسٍ رَبَ نَشَن

نُ نْمَ ﭑ بَرِقٍ دَندٍ،

نَشَن نُ نْمَ ﭑ نْشُندٍ ﭑ مَ تْورّ مَ.

11 مُنقٍ رَ ﭑ نفَ قُرِ مُ بِرَ نُ؟

مُنقٍ رَ ﭑ مُ قَشَ نُ بٍينُ ﭑ شَ بَرِ؟

12 مُنقٍ رَ ﭑ نفَ ﭑ نَسّنّشِ عَ سَن مَ،

عَ شِحّ قِ ﭑ مَ؟

13 شَ نَ مُ عَ رَ، يِ تّمُي ﭑ بّلّشِ بْحّسَ كُي نُ

14 مَنفّيٍ نُن رَ سِمَيٍ قّ مَ،

نَشٍيٍ شَ بَنشِيٍ بَرَ فّ كَنَدٍ،

15 نَشٍيٍ نُ بَرَ شّيمَ نُن فبٍتِ فبٍفبٍ سْتْ.

16 مُنقٍ رَ عٍ مُ ﭑ نَفَتَ،

عَلْ دِيْرّ نَشَن مُ وَشِ،

نَشَن مُ مِنِ كّنّ مَ؟

17 فَبُرِ تَن كُي، مِشِ حَاشِيٍ مُ نْمَ سٍسٍ رَ،

مِشِ تَفَنشِيٍ عٍ مَلَبُمَ نّ.

18 كٌنيِيٍ بْحّسَ سْتْمَ نّ،

عٍ مُ عٍ كَنيِ شُي مّمَ فَبُرِ كُي.

19 دِ مّدِيٍ نُن قٌرِيٍ نَ مّننِ،

كٌنيِيٍ عٍ يّتّ سْتْمَ نَا.

20 مُنقٍ رَ عَلَ عَ نِيَمَ عَدَ مَدِيٍ شَ مِنِ كّنّ مَ،

نَشٍيٍ قِندِ تْورْ مِشِيٍ رَ،

نَشٍيٍ نِمِسَشِ عٍ شَ دُنِحّءِفِرِ كُي،

21 نَشٍيٍ قَشّ شْلِ مَوَ مَ، كْنْ عٍ مُ قَشَ،

نَشٍيٍ قَشّ قٍنمَ دَنفِ نَاقُلِ رَ،

22 نَشٍيٍ حّلّشِنمَ فَبُرِ لِقٍ رَ؟

23 مُنقٍ رَ مِشِ بَرِ مَ،

عَلَ كِرَ بَلَنشِ نَشَن يَ رَ،

عَلَ نَشَن نَشّتّنمَ يِرٍ بِرِن؟

24 ﭑ مَ دٌنسٍ قِندِشِ ﭑ مَ تْورّ نَن نَ،

ﭑ مَ مِنسٍ قِندِشِ ﭑ يَيٍ نَن نَ.

25 ﭑ نَ فَاشُ قٍ نَشَن نَ،

نَ نَن ﭑ لِمَ.

قٍ نَشَن نَ ﭑ نَسّرّن،

ﭑ نَ نَن سْتْمَ.

26 بْحّسَ مُ نَ ﭑ بّ،

ﭑ مُ نْمَ ﭑ سَبَرِدٍ.

مَلَبُي مُ نَ ﭑ بّ، قٌ تْورّ.»