1 «ﭑ نَ ﭑ نِي مَفَفَقٍ،

عَ فبٍ مُ لُشِ ﭑ مَ سِمَيَ رَ،

فَبُرِ عَ دّ رَبِشِ ﭑ يَ رَ.

2 مِشِيٍ نَ يٌقٍ ﭑ مَ،

ﭑ مُ نْمَ شِدٍ.

3 عَلَ، يَندِ، تَانِ ﭑ بّ،

مِشِ فبّتّ يٌ مُ تِنمَ نَ رَبَدٍ،

4 بَرِ مَ عِ بَرَ ﭑ بٌورٍيٍ شَشِلِ بَلَن.

عِ نَشَ عَ لُ عٍ شَ نْ ﭑ نَ.

5 عٍ لُمَ عَلْ شّمّ نَشَن دٌنسٍ قِمَ مِشِ فبّتّيٍ مَ،

عَ شَ دِ كَامّشِ يَ شْرِ.

6 مِشِ بِرِن ﭑ مَيٍلٍمَ،

عٍ عٍ دّ يٍ بْشُنمَ ﭑ يَتَفِ.

7 ﭑ يَ مُ قَ سٍسٍ تٌمَ مَرَحَاشُي شَ قٍ رَ،

ﭑ قَتٍ بِرِن بَرَ بَ ﭑ مَ.

8 تِنشِنتْييٍ كَابَمَ ﭑ مَ،

عٍ قَ شْنْ تِنشِنتَرٍيٍ مَ.

9 تِنشِنتْي لُمَ عَ شَ كِرَ شْن،

سّنِيّنتْي سّنبّ شُن مَسَمَ.

10 وٌ تَن بِرِن نْمَ قَدٍ،

كْنْ ﭑ مُ لَشِ عَ رَ شَ ﭑ لْننِلَ كٍرٍن تٌمَ وٌ يَ مَ.

11 ﭑ مَ سِمَيَ كْنتِ بَرَ حْن،

ﭑ مُ فّشِ ﭑ مَ وَلِيٍ رَ،

ﭑ وَشْنقٍ مُ سْونّيَشِ ﭑ بّ.

12 يِ تِنشِنتَرٍيٍ قٍ مَقِندِ مَ،

عَ قَلَقٍ رَ عَ دِ مِ نَن نَ نَءِيَلَنيِ رَ.

عٍ نَشّ عَ نَءِيَلَنيِ بَرَ مَكْرّ،

كْنْ عٍ نَ قَلَمَ دِ مِ نَن كُي.

13 ﭑ شَشِلِ تِشِ عَلِفِيَمَ نَن نَ قَ،

ﭑ شَ سَ بّلّ دِ مِ كُي،

14 فَبُرِ شَ قِندِ ﭑ بَبَ رَ،

كُلِ شَ قِندِ نفَ نُن ﭑ مَافِنّ رَ.

15 ﭑ شَشِلِ تِشِ مُنسٍ رَ سْنْن؟

ﭑ شَشِلِ تِدٍ يٌ مُ نَ قَ.

16 ﭑ شَشِلِ تِدٍ نَ عَلِفِيَمَ نَن نَ،

ﭑ فٌرٌ مَ دّننَشّ بّندّ شْورَ.»