عَننَبِ يٌوٍلِ 4

عَلَ سِيٍ مَكِيتِمَ نّ

1 نَ تّمُي، ﭑ نَ يُدَ نُن دَرِ سَلَمُ رَفبِلٍن عٍ شْنيِ،

2 ﭑ سِ بِرِن مَلَنمَ نّ يٍهٌسَقَتِ فُلُنبَ كُي.

مّننِ ﭑ عٍ مَكِيتِمَ نّ ﭑ مَ حَمَ عِسِرَيِلَ شَ قٍ رَ،

نَشٍيٍ قِندِشِ ﭑ كّ تٌنفٌمَيٍ رَ.

دُنِحَ سِ نَشٍيٍ رَيٍنسٍن يّ حَمَنّيٍ مَ،

عٍ ﭑ مَ بْشِ عِتَشُن عٍ بٌورٍ مَ،

3 عٍ ﭑ مَ حَمَ رَبَ عٍ سَفٌ رَ.

عٍ شّمّ دِ مّيٍ مَتِ لَنفٌيحَ سَرٍ رَ،

عٍ فِنّ دِ مّيٍ مَتِ بٍيرٍ سَرٍ رَ عَلَكٌ عٍ شَ سِيسِ.

4 «وٌ تَن تِرٍكَيٍ، سِدْنكَيٍ، نُن قِلِسِتَكَيٍ، وٌ وَ مَ مُنسٍ شْن مَ ﭑ بّ؟ وٌ وَ مَ وٌ فبٍ نَن حْشْقٍ ﭑ مَ؟ شَ نَ نَ عَ رَ، ﭑ وٌ سَرٍ قِمَ نّ وٌ شَ وَلِ رَ مَقُرٍن مَقُرٍن. 5 وٌ بَرَ ﭑ مَ شّيمَ نُن ﭑ مَ فبٍتِ تٌنفٌ ﭑ مَ هْرْ مْبَنشِ كُي، وٌ قَ عَ رَ سٌ وٌ شَ كُيٍ بَنشِيٍ كُي. 6 وٌ بَرَ يُدَكَيٍ نُن دَرِ سَلَمُكَيٍ مَتِ فِرّكِكَيٍ مَ، عَلَكٌ عٍ شَ مَكُيَ عٍ شْنيِ رَ.»

7 «ﭑ عٍ رَ مَشَمَ نّ عَلَكٌ عٍ شَ كٍلِ يِرٍ وٌ عٍ مَتِشِ دّننَشّ، ﭑ قَ وٌ سَرٍ قِ وٌ شَ وَلِ حَاشِ رَ. 8 ﭑ وٌ شَ دِ شّمّيٍ نُن دِ فِنّيٍ مَتِمَ نّ يُدَكَيٍ مَ، عَلَكٌ عٍ قَن شَ عٍ مَتِ سٍبَكَيٍ مَ نَشٍيٍ مَكُيَ وٌ رَ.» عَلَتَلَ شَ مَسٍنيِ نَن نَ كِ.

9 «وٌ يِ قَلَ دُنِحَ سِيٍ بّ؛

‹وٌ شَ قٍ يَءِلَن فٍرٍ شِلِ مَ،

وٌ شَ وٌ شَ سْورِيٍ مَلَن.

فٍرٍ سٌي بِرِن شَ عٍ مَسٌ، عٍ شَ فٍرٍ رَكٍلِ!

10 وٌ شَ وٌ شَ كٍرِيٍ يَءِلَن سَنتِدّفّمَيٍ رَ،

وٌ شَ وٌ شَ وْرْتّيٍ قَن يَءِلَن تَنبّيٍ رَ.

سّنبّتَرٍ شَ عَ قَلَ، «ﭑ سّنبّ فبٌ!»

11 وٌ شَ قَ بٍ،

وٌ تَن سِ نَشٍيٍ نَ مُشُ رَبِلِنيِ.›»

عَلَتَلَ، عِ شَ سْورِيٍ رَفٌرٌ مّننِ قَ!

12 سِيٍ شَ كٍلِ، عٍ شَ مَلَن يٍهٌسَقَتِ فُلُنبَ كُي،

بَرِ مَ ﭑ عٍ بِرِن مَكِيتِمَ نّ.

13 وٌ شَ وْرْتّيٍ تٌنفٌ، بَرِ مَ شّ بَرَ مْ!

وٌ شَ وّنِ بٌفِ بُندُ، بَرِ مَ عٍ بَرَ فبٌ يّ،

مِشِيٍ شَ حَاشُحَ شَ قٍ رَ.

14 حَمَيٍ، وٌ شَ فٌرٌ كِيتِسَ فُلُنبَ كُي،

بَرِ مَ عَلَتَلَ شَ لْشْي بَرَ مَكْرّ نَا.

15 سٌفٍ نُن كِكٍ دِ مِمَ نّ،

تُنبُييٍ مُ يَنبَمَ سْنْن.

16 عَلَتَلَ قَمَ نّ عَ شَاحّ شُي رَ مِنِدٍ كٍلِقٍ سِيٌنِ،

عَ شُي مَفَاشُشِ مِنِمَ نّ كٍلِقٍ دَرِ سَلَمُ.

كٌورٍ نُن بْشِ سّرّنمَ نّ،

كْنْ عَلَتَلَ قِندِشِ كَنتَرِ نَن نَ عَ شَ حَمَ بّ،

عَ قِندِ يِرٍ مَكَنتَشِ رَ عِسِرَيِلَ بّ.

17 نَ كُي، وٌ عَ كٌلٌنمَ عَ ﭑ تَن نَن وٌ مَرِفِ عَلَتَلَ رَ،

نَشَن يِفِيَشِ ﭑ مَ فٍيَ سّنِيّنشِ سِيٌنِ قَرِ.

دَرِ سَلَمُ قِندِ مَ يِرٍ سّنِيّنشِ نَن نَ،

سِ فبّتّيٍ مُ مّننِ فٍرٍ مَ سْنْن.

18 نَ لْشْي، وّنِ نّينّ نُن شِحّ فبٌمَ نّ فٍيَيٍ مَ.

يٍ تٌمَ نّ يُدَيَ بِرِن مَ،

يٍ دُلٌنيِ بُلَمَ نّ عَلَتَلَ شَ بَنشِ كُي،

عَ فٌرٌ كَسِيَ فُلُنبَ كُي.

19 كْنْ مِسِرَ بْشِ لُمَ نّ كَنَ رَ،

عٍدٌن قِندِ فبٍنفبٍرٍنيِ رَ فبَلٌي شَ قٍ رَ،

عٍ نَشَن دْشْ يُدَكَيٍ مَ عٍ قَشَقٍ رَ قُقَقُ.

20 كْنْ حَمَ سَبَتِمَ نّ يُدَيَ نُن دَرِ سَلَمُ وَشَتِ بِرِن.

21 ﭑ عٍ شَ يُنُبِ شَقَرِ مَ نّ عٍ نُ بَرَ نَشَن نَبَ.

ﭑ تَن عَلَتَلَ، ﭑ يِفِيَمَ سِيٌنِ نّ.