عَننَبِ يُنُسَ 2

عَننَبِ يُنُسَ شَ عَلَ مَشَندِ

1 عَلَتَلَ نَشَ يّشّ شُنفبٍ ندٍ يَمَرِ بَا مَ عَ شَ يُنُسَ فٍرُن. يُنُسَ نَشَ لُ يّشّ قُرِ كُي قّيحّن سَشَن، كْي سَشَن. 2 عَ نَشَ عَ مَرِفِ عَلَتَلَ مَشَندِ يّشّ قُرِ كُي يِ كِ؛

3 «عَلَتَلَ، ﭑ تٌ ﭑ شُي رَتٍ عِ مَ ﭑ مَ بْحّ مِنِ كُي،

عِ بَرَ ﭑ يَابِ.

ﭑ تٌ عِ شِلِ كٍلِقٍ عَلِفِيَمَ،

عِ بَرَ ﭑ شُي مّ.

4 عِ تٌ ﭑ وٌلِ بَا بْتِنِ مَ،

يٍ بَرَ ﭑ مَكٌتٌ، عِ نُ قَ عِ شَ مْرْنيِيٍ رَدِن ﭑ مَ.

5 ﭑ نَشَ عَ مَحْشُن عِ بَرَ ﭑ كٍرِ،

كْنْ ﭑ عَ كٌلٌن ﭑ مَن قَمَ نّ عِ شَ بَنشِ سّنِيّنشِ تٌدٍ.

6 ﭑ نَشَ مَدُلَ يٍ شْورَ، بَا نَشَ نْ ﭑ نَ.

بَا حٌوفٍ نَشَ قِلِن قِلِن ﭑ كْنيِ مَ.

7 ﭑ فٌرٌ نّ بَا بْتِنِ مَ هَن فٍيَيٍ قْلْدٍ.

ﭑ نُ نَ فٍيلِ عَلِفِيَمَ،

كْنْ عِ تَن مَرِفِ عَلَتَلَ، عِ نَشَ ﭑ نَمِنِ نَ يِلِ تِلِنشِ كُي ﭑ حِحّ رَ.

8 ﭑ نِي تٌ نُ نَ بَقٍ ﭑ قَتٍ عِ،

ﭑ نَشَ ﭑ مَحْشُن عَلَتَلَ مَ.

ﭑ مَ مَشَندِ نَشَ سِفَ هَن عَ سَ عِ لِ،

عِ شَ هْرْ مْبَنشِ سّنِيّنشِ.

9 مِشِ نَشٍيٍ عٍ نِي تَشُ كُيٍ سّنبّتَرٍ رَ،

نٍيٍ عٍ يّتّ رَفَنمَ هِننّ قَنيِ نَن نَ.

10 كْنْ ﭑ تَن تَنتُي بّيتِ نَن بَمَ عِ بّ سّرّشّ رَ،

ﭑ نَ ﭑ مَ كّرّ تٌنفٌشِ رَكَمَلِمَ نّ.

كِسِ قَتَنشِ عَلَتَلَ نَن نَ.»

11 نَ دَنفِ شَنبِ، عَلَتَلَ نَشَ يّشّ يَمَرِ، عَ شَ سَ عَننَبِ يُنُسَ بْشُن شَرٍ مَ.