46 نَ كُي، عِسَ مَن نَشَ سٌ كَانَ، فَلِلٍ بْشِ مَ، عَ يٍ مَقِندِ وّنِ رَ دّننَشّ. مَنفّ شَ وَلِكّ شُنفبٍ ندٍ نُ نَ نَا، نَشَن شَ دِ نُ قُرَشِ كَثّرّنَمُ. 47 عَ تٌ عَ مّ عَ عِسَ بَرَ قَ فَلِلٍ كٍلِقٍ يُدَيَ، عَ نَشَ سِفَ عَ يِرٍ، عَ عَ مَشَندِ عَ شَ قَ عَ شَ دِ شّمّ رَيَلَن نَشَن نُ سَشِ سَيَ قُرٍ مَ. 48 عِسَ نَشَ عَ قَلَ عَ بّ، «وٌ تَن مُ دَنشَنِيَمَ قٍوٌ، قٌ وٌ تْنشُمَيٍ نُن كَابَنَكٌي تٌ!» 49 مَنفّ شَ وَلِكّ نَشَ عَ مَيَندِ، «مَرِفِ، تَلُ ﭑ شْنيِ بٍينُن ﭑ مَ دِ شَ قَشَ!» 50 عِسَ نَشَ عَ يَابِ، «سِفَ، عِ شَ دِ بَرَ كِسِ.» نَ وَلِكّ نَشَ لَ عِسَ شَ مَسٍنيِ رَ، عَ نَشَ سِفَ. 51 عَ نُ نَ فبِلٍنقٍ تّمُي نَشّ، عَ شَ كٌنيِيٍ نَشَ عَ رَلَن، عٍ عَ قَلَ عَ بّ، «عِ شَ دِ بَرَ كِسِ!» 52 عَ قَن نَشَ عٍ مَشْرِن، «عَ قِسَ مُن تّمُي؟» عٍ نَشَ عَ يَابِ، «عَ قَتٍ شِنبٍلِشِ شٌرٌ يَنيِ تَفِ حْندْن.» 53 نَ دِ بَبَ نَشَ عَ كٌلٌن عَ شَ دِ يَلَن قْلْ كَبِ عِسَ عَ قَلَ عَ بّ تّمُي نَشّ، «عِ شَ دِ بَرَ كِسِ.» نَ نَن عَ رَ، نَ شّمّ نُن عَ شَ دٍنبَيَ بِرِن نَشَ دَنشَنِيَ عِسَ مَ.
54 نَ نَشَ قِندِ عِسَ شَ تْنشُمَ مَكَابَشِ قِرِن ندٍ رَ. عَ عَ رَبَ فَلِلٍ نّ، عَ تٌ فبِلٍن كٍلِقٍ يُدَيَ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)