1 تّمُي نَ قٍ بِرِن مَ،

قٍ بِرِن دُنِحَ مَ، عَ شَ وَشَتِ نَ نَ.

2 وَشَتِ ندٍ نَ دِ بَرِقٍ مَ،

وَشَتِ ندٍ نَ قَشَقٍ مَ.

وَشَتِ ندٍ نَ سَنسِ سِقٍ مَ،

وَشَتِ ندٍ نَ سَنسِ شَبَقٍ مَ.

3 وَشَتِ ندٍ نَ قَشّ تِقٍ مَ،

وَشَتِ ندٍ نَ دَندَن تِقٍ مَ.

وَشَتِ ندٍ نَ سٍ كَنَقٍ مَ،

وَشَتِ ندٍ نَ سٍ يَءِلَنقٍ مَ.

4 وَشَتِ ندٍ نَ وَقٍ مَ،

وَشَتِ ندٍ نَ يٍلٍقٍ مَ.

وَشَتِ ندٍ نَ يَيٍ رَ مِنِقٍ مَ،

وَشَتِ ندٍ نَ قَرٍ بٌرٌنقٍ مَ.

5 وَشَتِ ندٍ نَ فّمّيٍ رَيٍنسٍنقٍ مَ،

وَشَتِ ندٍ نَ فّمّيٍ مَلَنقٍ مَ.

وَشَتِ ندٍ نَ سُنبُ تِقٍ مَ،

وَشَتِ ندٍ نَ عَ تِتَرٍيَ مَ.

6 وَشَتِ ندٍ نَ سٍ قٍنقٍ مَ،

وَشَتِ ندٍ نَ عَ لُقٍ مَ.

وَشَتِ ندٍ نَ سٍ رَفَتَقٍ مَ،

وَشَتِ ندٍ نَ عَ وْلّقٍ مَ.

7 وَشَتِ ندٍ نَ سٍ عِبْوقٍ مَ،

وَشَتِ ندٍ نَ عَ دّفّقٍ مَ.

وَشَتِ ندٍ نَ وْيّنقٍ مَ،

وَشَتِ ندٍ نَ دُندُقٍ مَ.

8 وَشَتِ ندٍ نَ شَنُ تِقٍ مَ،

وَشَتِ ندٍ نَ شْن تِقٍ مَ.

وَشَتِ ندٍ نَ فٍرٍ سٌقٍ مَ،

وَشَتِ ندٍ نَ سَاتَقٍ مَ.

9 وَلِكّ فٍينِ مُندُن سْتْمَ عَ شَ كَتّ كُي؟ 10 ﭑ بَرَ كٌتٍ تٌ عَلَ نَشَن دْشْشِ عَدَ مَدِيٍ شُن. 11 عَ بَرَ سٍ بِرِن نَتٌقَن عَ وَشَتِ مَ. عَ بَرَ عَ نِيَ عَدَ مَدِ شَشِلِ شَ سِفَ عَبَدَن قٍ مَ، هَلِ عَ مُ نْ عَلَ شَ وَلِيٍ كٌلٌندٍ كٍلِ عَ قْلّ مَ هَن عَ رَحْنيِ. 12 ﭑ عَ كٌلٌن قٍقٍ مُ نَ نَشَن قَن عَدَ مَدِ بّ، قٌ عَ سّيوَ، عَ قٍ قَنيِ رَبَ عَ شَ دُنِحّءِفِرِ كُي. 13 مِشِ عَ دّفٍقٍ، عَ عَ مِن، عَ سّيوَ عَ شَ وَلِ كُي، نَ نَن قِندِشِ عَلَ شَ كِ رَ عَدَ مَدِ بّ. 14 ﭑ عَ كٌلٌن عَلَ شَ وَلِ بِرِن بُمَ نّ عَبَدَن. سٍسٍ مُ سَمَ عَ شُن مَ، سٍسٍ مُ بَمَ عَ رَ. عَلَ قٍ رَبَمَ نّ عَلَكٌ عَدَ مَدِ شَ فَاشُ عَ يَ رَ.

15 نَشَن نَ نَ، نَ حَن نُ نَ نُ.

نَشَن قَمَ رَبَدٍ، نَ حَن نُ نَ نُ.

عَدَ مَدِ نَشَن نَبَشِ، عَلَ قَمَ نّ نَ مَكِيتِدٍ.

16 ﭑ بَرَ قٍ فبّتّ قَن تٌ يِ دُنِحَ مَ؛

نْندِ مَقِندِ مَ وُلٍ رَ،

تِنشِنيِ مَقِندِ مَ تِنشِنتَرٍيَ رَ.

17 ﭑ نَشَ عَ مَحْشُن ﭑ شَشِلِ كُي،

عَلَ تِنشِنتْي نُن تِنشِنتَرٍ مَكِيتِمَ نّ،

بَرِ مَ قٍ بِرِن عَ وَشَتِ نَ نَ.

18 ﭑ مَن نَشَ عَ مَحْشُن ﭑ شَشِلِ كُي، عَلَ نَ مِشِيٍ مَتٌقٍ نّ، عَلَكٌ عٍ شَ عَ كٌلٌن دَالِسٍ نَن لَنشِ عٍ مَ عَلْ وُلَءِ سُبٍيٍ. 19 عٍ قِرِن بِرِن قَمَ نّ رَحْندٍ يِرٍ كٍرٍن، عٍ قِرِن بِرِن قَشَمَ نّ. عٍ قِرِن بِرِن حّنفِمَ كِ كٍرٍن، عَدَ مَ يٌ سُبٍ يٌ، عٍ بِرِن لَن. قٍ قُقَقُ نَ نَ بِرِن نَ. 20 عٍ بِرِن سِفَدٍ كٍرٍن. عٍ كٍلِشِ بّندّ نّ، عٍ مَن فبِلٍنمَ بّندّ نّ. 21 ندٍ عَ كٌلٌن شَ مِشِ قَشَشِ شَشِلِ تٍمَ كٌورٍ نّ، شَ سُبٍ قَشَشِ شَشِلِ فٌرٌ مَ بْشِ نّ؟

22 ﭑ عَ كٌلٌن قٍقٍ مُ نَ نَشَن قَن عَدَ مَدِ بّ، قٌ عَ سّيوَ عَ شَ وَلِ كُي. نَ نَن قِندِشِ عَلَ شَ مَرَفِرِ رَ عَدَ مَدِ بّ. ندٍ نْمَ عَ مَسٍندٍ عَ بّ نَشَن قَمَ رَبَدٍ عَ دَنفِ شَنبِ؟