10 عَيُبَ تٌ فّ دُبَدٍ عَ بٌورٍيٍ بّ، عَلَتَلَ نَشَ عَ هَرِفٍ بِرِن نَفبِلٍن عَ مَ. عَ مَن نَشَ نَ هَرِفٍ شُن مَسَ دْشْ قِرِن دَنفِقٍ عَ سِنفٍ رَ.
11 عَيُبَ شُنيَيٍ نُن عَ تَارَيٍ نُن عَ كٌلٌنمَ بِرِن نَشَ قَ عَ شّيبُدٍ عَ شْنيِ، عٍ عٍ دّفٍ يِرٍ كٍرٍن. عٍ نَشَ عَ نُ تْورْ سَ، عٍ عَ كُنقَ بَ تْورّ شَ قٍ رَ عَلَتَلَ نُ بَرَ نَشَن دْشْ عَ مَ. كَنكَن نَشَ كْبِرِ كٌلٍ كٍرٍن نُن شُرُندّ شّيمَ دَاشِ كٍرٍن قِ عَ مَ.
12 عَلَتَلَ نَشَ بَرَكّ سَ عَيُبَ دَنفِقٍ عَ سِنفٍ رَ. عَ نَشَ يّشّي وُلُ قُ نُن نَانِ سْتْ، حْشْمّ وُلُ سٍننِ، نِنفٍ وُلُ كٍرٍن، نُن سٌقَلٍ وُلُ كٍرٍن. 13 عَ نَشَ دِ شّمّ سٌلٌقٍرٍ نُن دِ فِنّ سَشَن سْتْ. 14 عَ شَ دِ فِنّ سِنفٍ نُ شِلِ نّ يٍمِمَ، عَ قِرِن ندٍ كٍسِيَ، عَ سَشَن ندٍ كٍرٍنَثُكُ. 15 فِنّ يٌ مُ نُ نَ نَ بْشِ مَ نَشَن نُ تٌقَن عَيُبَ شَ دِيٍ بّ. عٍ بَبَ نَشَ كّ قِ عٍ قَن مَ، عَلْ عَ رَبَشِ كِ نَشّ عٍ مَاشّمّيٍ بّ.
16 نَ دَنفِ شَنبِ، حّ كّمّ حّ تٌنفٌ نَانِ نَشَ سَ عَيُبَ شَ سِمَيَ شُن مَ. عَ نَشَ عَ شَ دِيٍ تٌ، عَ شَ مَمَدِيٍ، عَ تٌلٌبِتّيٍ، نُن عَ تٌلٌنتٌلٌنيِيٍ. 17 عَيُبَ شَ سِمَيَ كَمَلِشِ نّ عَ قَنيِ رَ، عَ قَ لَاشِرَ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)