Marcos 3

قٍ قَنيِ رَبَقٍ مَلَبُ لْشْي مَ

1 عِسَ مَن نَشَ سٌ سَلِدٍ كُي. عَ نَشَ شّمّ ندٍ لِ نَا، نَشَن بّلّشّ تُوشِ عَ مَ. 2 قَرِ سّنِيٍ نُ عٍ يَ تِشِ عِسَ رَ عٍ شَ عَ مَتٌ شَ عَ عَ رَيَلَنمَ مَلَبُ لْشْي مَ، عَلَكٌ عٍ شَ نْ عَ كَلَمُدٍ قٍ ندٍ مَ. 3 عِسَ نَشَ عَ قَلَ شّمّ بّ نَشَن بّلّشّ تُوشِ عَ مَ، «كٍلِ، عِ قَ تِ بٍ، حَمَ تَفِ.» 4 عَ نَشَ عٍ مَشْرِن، «عَ دَشَ قٍ قَنيِ نَن شَ رَبَ مَلَبُ لْشْي، كَ قٍ حَاشِ؟ نِي رَكِسِقٍ نَن دَشَ كَ نِي سْنتْقٍ؟» كْنْ مِشِ يٌ مُ عَ يَابِ. 5 عِسَ شْنْشِ نَشَ عٍ مَتٌ، عَ بْحّ تْورْشِ كِ قَنيِ بَرِ مَ كِنِكِنِتَرٍ نَن نُ عٍ رَ. عَ نَشَ عَ قَلَ شّمّ بّ نَشَن بّلّشّ تُوشِ عَ مَ، «عِ بّلّشّ عِتَلَ.» عَ نَشَ عَ عِتَلَ، عَ بّلّشّ نَشَ يَلَن.