عَننَبِ هٌسٍ 7

عٍقِرَ مِ شَ يُنُبِيٍ

1 «ﭑ تٌ وَ عِسِرَيِلَ رَيَلَنقٍ،

عٍقِرَ مِ شَ يُنُبِ مَن نَشَ مَكّنّن.

سَمَرِ شَ قٍ حَاشِ نَشَ مِنِ كّنّ مَ.

نَ يَنقَنتٍيٍ مُحّ تِمَ، عٍ يٍنسٍن يّ يِرٍ بِرِن.

2 عٍ عٍ مَحْشُن ﭑ مُ رَتُشِ عٍ شَ كٌبِحَ مَ،

كْنْ ﭑ عٍ شَ وَلِ بِرِن تٌمَ نّ.

3 يِ مِشِ كٌبِيٍ رَقَن مَنفّ مَ،

كُنتِفِيٍ تِنمَ عٍ شَ وَلِ رَ.

4 عٍ شَ لَنفٌيحَ فبٌ عَلْ تّ شُنفبٍ،

تَامِ فَنيِ نَشَن نَدّشّمَ،

عَ قَ وٌلٍن هَن عَ فّ قَرِن نَقَلَدٍ.

5 كُنتِفِيٍ سِيسِمَ نّ مَنفّ شَ شُلُنيِ،

مَنفّ قَن تِنشِ نَ قٍ مْولِ رَ.

6 عٍ بْحّ بَرَ تٍ عَلْ تّ شُنفبٍ،

عٍ عٍ مَسٌ مَنفّ رَ، عٍ شَ عَ يَنقَ.

عٍ نَ قٍ بِرِن شِرِ مَ كْي نَن نَ

عَلَكٌ فّيسّفّ عٍ شَ وَلِ حَاشِ شَ كَمَلِ.

7 عٍ بْحّ نَشَ تٍ هَن عٍ كِيتِسَيٍ بِرِن نَبِرَ،

عٍ عٍ شَ مَنفّيٍ بِرِن قَشَ.

نَ مِشِ مْولِ مُ ﭑ مَ كِيتِ مَمّمَ قٍقٍ مَ.

8 عٍقِرَ مِ وَ مَ لُقٍ نّ عَلْ سِ فبّتّيٍ،

كْنْ عَ لُشِ نّ عَلْ تَامِ نَشَن فَنشِ عَ حَاشِ رَ.

9 سِ فبّتّيٍ عَ سّنبّ كَنَمَ، كْنْ عَ مُ عَ كٌلٌن.

عَ قٌرِشِ، كْنْ عَ مُ نَ رَكْرْ سِ.

10 عِسِرَيِلَ عَ يّتّ عِفبٌمَ، عَ مُ فبِلٍن عَ مَرِفِ عَلَتَلَ مَ،

عَ مُ بِرَ عَ شَ سّرِيّ قْشْ رَ.

11 عٍقِرَ مِ لُشِ نّ عَلْ فَنبّ شَشِلِتَرٍ.

عَ مِسِرَكَيٍ شِلِمَ، عَ سَاتّ تٌنفٌمَ عَسِرِيَكَيٍ بّ.

12 عٍ نَ سِفَ نَا، ﭑ قَمَ نّ ﭑ مَ يّلّ وٌلِدٍ عٍ مَ،

عٍ شَ بِرَ عَلْ شْنِ.

ﭑ عٍ حَشَنكَتَمَ نّ، عَلْ عَ مَسٍنشِ عٍ بّ عٍ شَ مَلَنيِ كُي كِ نَشّ.

13 حَشَنكَتّ نَ عٍ بّ، بَرِ مَ عٍ بَرَ عٍ فِ ﭑ شُن مَ.

فبَلٌي نَ عٍ بّ، بَرِ مَ عٍ بَرَ ﭑ مَتَندِ.

ﭑ نُ وَشِ نّ عٍ شُن سَرَقٍ، كْنْ عٍ وُلٍيٍ سَمَ ﭑ شُن مَ.

14 عٍ يَيٍ رَ مِنِمَ عٍ شَ سَدٍ مَ،

كْنْ عٍ مُ سُننُنشِ عٍ بْحّ مَ.

عٍ عٍ مَلَنمَ عَلَكٌ عٍ شَ دٌنسٍ نُن وّنِ قٍن،

كْنْ عٍ عٍ مَكُيَمَ ﭑ تَن نَ.

15 ﭑ تَن نَن عٍ شُرُ، ﭑ تَن نَن سّنبّ قِ عٍ مَ،

كْنْ عٍ قِنسِرِوَلِيَ رَبَمَ ﭑ نَ.

16 عٍ مُ عٍ يَ تِمَ كٌورٍ رَ،

عٍ يَنقّ تِمَ عَلْ يَنقّ يِلِ.

نَ نَن عَ رَ، عٍ كُنتِفِيٍ قَشَمَ سَنتِدّفّمَ رَ،

عٍ يَافِ مِسِرَ بْشِ مَ عٍ شَ وْيّنيِ شَ قٍ رَ.»