1 بٌورٍتَرٍ عَ وَشْنقٍ فبَنسَن نَن قٍنمَ،

عَ يٌ مَرَ سِ بِرِن مَ.

2 شَشِلِتَرٍ مُ وَ مَ شَشِلِ قَنيِ شْن،

عَ وَ مَ عَ يّتّ شَ مَحْشُنيِ نَن تُن مَسٍنقٍ.

3 مِشِ حَاشِيٍ يٌمَ مِشِيٍ مَ،

عٍ يٌمَ عٍ مَ هَن عٍ سَ يَافِ.

4 عَدَ مَ شَ وْيّنيِ تِلِن عَلْ بَا،

عَ لْننِ رَ مِنِمَ نَشَن لُشِ عَلْ دُلٌنيِ يٍ قَنيِ.

5 نْندِ قِقٍ مِشِ حَاشِ مَ، عَ مُ قَن.

عَ مُ لَنمَ تِنشِنتْي شَ تْوحّفّ.

6 لْننِتَرٍ سْنشْي شْرّ عِسْشْمَ،

عَ بْنبْي سْتْمَ عَ دّ سَابُي رَ.

7 شَشِلِتَرٍ دّ عَ شُن نَكَنَمَ نّ،

عَ نّنيِ قِندِشِ فَنتَنيِ نَن نَ عَ نِي بّ.

8 نَاقِشِ شَ مَسٍنيِ لُشِ نّ عَلْ دٌنسٍ حْشُنمّ،

نَشَن فٌرٌ مَ مِشِ قُرِ كُي.

9 تُننَشْنّ نُن كَسَرّ رَبَ،

نٍيٍ نفَ كٍرٍن، عٍ بَبَ كٍرٍن.

10 عَلَتَلَ قِندِشِ كَنتَرِ سّنبّمَ نَن نَ،

تِنشِنتْي لُمَ نَشَن نِينِ بُن مَ.

11 نَاقُلِ قِندِشِ بَننَ شَ كَنتَرِ نَن نَ،

عَ حْشْ عَ مَ تّتّ نَ عَ رَ

نَشَن مُ نْمَ كَنَدٍ.

12 فبَلٌي نَ يّتّ عِفبٌحَ شَنبِ رَ،

كْنْ نْرّ نَ يّتّ مَفٌرٍ قْشْ رَ.

13 مِشِ نَشَن يَابِ قِمَ بٍينُ عَ شَ مِشِ شُي رَ مّ،

عَ دَشُحَ مَسٍنمَ نّ، عَ عَ يّتّ رَيَافِ.

14 شَشِلِ لِمَنِيَشِ مِشِ مَلِمَ نّ عَ شَ قُرٍ كُي،

كْنْ لِمَنِيَ بَشِ نَشَن يِ،

نَ مُ كٍلِمَ سْنْن.

15 لْننِلَ كَتَمَ سٍ كٌلٌندٍ،

عَ عَ تُلِ مَتِمَ مَسٍنيِ قَنيِ رَ.

16 كِرَ رَبِشِ مِشِ بّ نَشَن كِ تِمَ،

مَنفّيٍ يَتِ تٌقٍ سْونّيَمَ نّ نَ كَنيِ بّ.

17 مِشِ نَشَن سِنفٍ عَ يّتّ شُن مَقَلَمَ قٍ كُي،

عَ لُمَ نّ عَلْ نْندِ نَ عَ تَن نَن بّ،

كْنْ عَ كَلَمُتِ مَشْرِنيِ شْرْشْي تِمَ نّ عَ مَ.

18 قٍ لُقٍ عَلَ مَ عَ سْنشْي حْنمَ نّ،

عَ فٍرٍ حْن سّنبّمَيٍ تَفِ.

19 مِشِ كٌنبِشِ شَ بْحّ شْرْشْي لُمَ نّ عَلْ تَا مَكَنتَشِ.

نَ سْنشْي مْولِ شْرْشْ دَنفِقٍ فٍيلِ كٌندٌنيِ رَ.

20 عَدَ مَ شَ مَسٍنيِ نْمَ عَ بَلٌي قِدٍ عَ مَ،

عَ هَيِ قَنمَ نّ عَ شَ وْيّنيِ سَابُي رَ.

21 قَشّ نُن سِمَيَ قَتَنمَ مِشِ شَ وْيّنيِ نَن نَ.

وْيّنلَ عَ سَرٍ سْتْمَ نّ.

22 فِنّ سْتْقٍ قِندِشِ هّيرِ نَن نَ،

نَشَن قَتَنشِ عَلَتَلَ رَ.

23 سٍتَرٍ مَيَندِ تِمَ،

كْنْ سٍ كَنيِ عَ يَابِمَ عَ شْرْشْي نَن نَ.

24 شَ مِشِ بٌورٍيٍ وُيَ، نَ نْمَ قِندِدٍ تْورّ رَ عَ بّ،

كْنْ بٌورٍ ندٍ نَ نَ نَشَن قَن عَ نفَشَكٍرٍنيِ بّ.