عَننَبِ سَكَرِ 13

حَمَ سّنِيّنشِ

1 نَ لْشْي، دُلٌنيِ مِنِمَ نّ

نَشَن نْمَ دَوُدَ شَبِلّ نُن دَرِ سَلَمُكَيٍ

يُنُبِ بَدٍ.

2 مَنفّ عَلَتَلَ شَ مَسٍنيِ نَن يَ؛

«نَ لْشْي، ﭑ كُيٍيٍ شِلِ بَمَ نّ وٌ دّ كُي،

وٌ نّيمُ عٍ مَ.

ﭑ عٍ شَ نَمِحْنمّيٍ نُن عٍ شَ سّنِيّنتَرٍحَ كٍرِ مَ نّ.

3 شَ مِشِ ندٍ سُو سَمَ نَمِحْنمّ مَسٍنيِ تِدٍ،

عَ نفَ نُن عَ بَبَ نَشَن عَ بَرِشِ عٍ عَ قَلَمَ عَ بّ،

‹عِ شَ قَشَ، بَرِ مَ عِ بَرَ وُلٍ قَلَ عَلَتَلَ شِلِ رَ.›

عَ نفَ نُن عَ بَبَ نَشَن عَ بَرِشِ،

عٍ عَ سْشْمَ نّ نَ مَسٍنيِ شَ قٍ رَ.

4 نَ لْشْي، نَمِحْنمّيٍ بِرِن يَافِمَ نّ

عٍ شَ مَسٍنيِيٍ شَ قٍ رَ.

عٍ مُ نَمِحْنمّ دُفِ رَفٌرٌ مَ عٍ مَ سْنْن

عَلَكٌ عٍ شَ مِشِ مَدَشُ.

5 عٍ بِرِن عَ قَلَمَ نّ،

‹نَمِحْنمّ مُ ﭑ نَ.

كَبِ ﭑ دِ مّدِ تّمُي ﭑ شّ نَن تُن سَقٍ.›

6 كْنْ عٍ عَ مَشْرِنمَ نّ،

‹مُنسٍ نَ يِ نَرِ رَ عِ بّلّشّيٍ مَ؟›

عَ عٍ يَابِمَ نّ؛

‹ﭑ شَنُنتٍنيِ نَن ﭑ مَشْنْشِ.›»

7 «سَنتِدّفّمَ، كٍلِ ﭑ مَ شُرُ سٍ دّ مَدٌنيِ شِلِ مَ،

كٍلِ مِشِ شِلِ مَ نَشَن نَ ﭑ سّيتِ مَ.»

مَنفّ عَلَتَلَ شَ مَسٍنيِ نَن يَ؛

«سَنتِدّفّمَ، شُرُ سٍ دّ مَدٌنيِ قَشَ،

يّشّييٍ رَيٍنسٍن يّ.

ﭑ قَمَ نّ يّشّييْرّيٍ حَشَنكَتَدٍ.»

8 عَلَتَلَ شَ مَسٍنيِ نَن يَ؛

«حَمَ دْشْ قِرِن قَشَمَ نّ،

كْنْ عَ دْشْ سَشَن ندٍ بَلٌمَ نّ.

9 ﭑ نَ دْشْ سَشَن ندٍ سَمَ نّ تّ عِ،

ﭑ عٍ رَشُنُ عَلْ فبٍتِ.

ﭑ شَ عٍ مَتٌ عَلْ شّيمَ.

عَ نَ ﭑ مَشَندِ، ﭑ عَ شَ دُبَ سُشُمَ نّ.

ﭑ قَمَ نّ عَ مَسٍندٍ، ‹ﭑ مَ حَمَ نَن يَ،›

عَ قَن عَ مَسٍن، ‹عَلَتَلَ نَن مُشُ مَرِفِ عَلَ رَ.›»