1 Coríntios 2

14 'O nyawa gee 'onaka koi’iwa 'o Ngomasa 'Itebi-tebini, 'ona koya’akunuwa yadawongo 'okia naga gee 'o Ngomasa ge’ena 'isidumutu. Sababu 'okia naga gee 'o Ngomasa 'Itebi-tebini 'isidumu-dumutu ge’ena 'ona yamaoku ka 'o haga-haga bolo ma faedaa koi’iwa. 'Isoka koge’ena dau ge’ena 'idadi yasahe duga ka 'o Ngomasa 'Itebi-tebini yakiriwo. 15 'O nyawa gee 'onaka de ma 'ena 'o Ngomasa 'Itebi-tebini, 'idadi yasahe 'o do-dotoko ma ngale ma Jo’oungu ma Dutu, ma 'o nyawa gee 'onaka koi’iwa 'o Ngomasa 'Itebi-tebini, 'ona koidadiwa yasahe 'o nyawa gee 'o Ngomasa 'Itebi-tebini yakiparetano manga di-dibangi.