'O MARKUS 1

'O Yesus wosi’aiki 'o nyawa gudai manga panyake

29 'O Yesus woma’aiki 'o lo-lomu ma woaka ge’ena, de wotagi 'o Simon de 'o Andreas manga woaka. 'O Yakobus de 'o Yohanes mita yomasidatagi de de 'una. 30 'O Simon ma toroa 'o dangiroka moma’iduoka sababu migogamuku. So gee 'o Yesus de wi do-domoteke yowosanga ma woaka ge’ena, de 'o Yesusika yosidemo ma habari ge’ena. 31 So waika 'ami giamika wa’ao de womiriwo momomiki. So momomikie 'ena mi panyake 'i’aiokau so muna mita makileleani.