Marcos 3

'O Yesus ma 'esa de wi riaka dodoto

31 Ge’ena 'iduangino de 'o Yesus ma 'esa de wi riaka dodoto yoboa. 'Ona yota-tamaa ma dudunoka, de yosuloko 'o nyawaka 'o Yesus wi’asoko. 32 Ma 'orasi ge’ena 'o nyawa manga gudaioka yogogerie 'o Yesus wisibululunino. 'Ona yongose 'unaka, << 'Aba, 'ani 'esa de ni riaka dodoto doka ma dudunoka. 'Ona ninonu ngona 'Aba.>>

33 'O Yesus kawosangokau, <<Nagumuna to ngoi 'ai 'esa? De nago’ona to ngoi 'ai riaka dodoto?>> 34 Ge’enaka de wakilega-lega 'o nyawa wisigi-gilolitino gee de kawongosekau, <<No’ona to ngoi 'ai 'esa de 'ai riaka dodoto! 35 'O nyawa gee ma Jo’oungu ma Dutu 'awi mau yamote-moteke, 'ona ge’ena to ngoi 'ai riaka dodoto, 'ai 'esa biranga de 'ai 'esa.>>