Xa̱bo̱ Éfe̱so̱ 4:1-3

Mbáwíi xa̱bo̱ ñajwanlóꞌ mbá xúgiáanꞌlóꞌ ga̱jma̱á numuu Krísto̱

1 Ikhaa numuu rúꞌkhue̱n, ikhúúnꞌ tsúún kru̱ꞌúúnlo̱ꞌ géjwa̱nꞌ ga̱jma̱á numuu Táta̱, na̱tha̱n-jáñalaꞌ rí ga̱juwalaꞌ xómá gíꞌmaa rí ma̱juwalaꞌ tsáanꞌ nindxaꞌwálaꞌ Ana̱ꞌlóꞌ. 2 Gu̱xrígú-mijnálaꞌ jamí gamakuáanꞌlaꞌ gáꞌne. Ga̱ꞌngo̱o̱ a̱kia̱nꞌlaꞌ ju̱ya̱-mijnálaꞌ numuu rí nandalaꞌ ju̱ya̱-mijnálaꞌ. 3 Gu̱xna̱-míjnálaꞌ tsiakhe̱ rí ma̱juwalaꞌ mbá ꞌnduꞌ, xómá tsímáá rí ni̱ru̱wáanꞌlaꞌ Xu̱u̱ꞌ Ana̱ꞌlóꞌ.