Salmos 51

7 Zūfā le kar mujh se gunāh dūr kar tāki pāk-sāf ho jāūṅ. Mujhe dho de tāki barf se zyādā safed ho jāūṅ.

8 Mujhe dubārā ḳhushī aur shādmānī sunane de tāki jin haḍḍiyoṅ ko tū ne kuchal diyā wuh shādiyānā bajāeṅ.

9 Apne chehre ko mere gunāhoṅ se pher le, merā tamām qusūr miṭā de.

10 Ai Allāh, mere andar pāk dil paidā kar, mujh meṅ nae sire se sābitqadam rūh qāym kar.

11 Mujhe apne huzūr se ḳhārij na kar, na apne muqaddas Rūh ko mujh se dūr kar.

12 Mujhe dubārā apnī najāt kī ḳhushī dilā, mujhe musta’id rūh atā karke saṅbhāle rakh.